به‌رپرسێ لقێ 18 سه‌ره‌دانا هژماره‌کا داموده‌زگاهان ل ئامێدیێ دکه‌ت
هێژا فه‌ریق فاروق به‌رپرسێ لقێ 18ی پارتی دیموکراتی کوردستان سه‌ره‌دانا هژماره‌کا داموده‌زگه‌هێن میری وجه‌ماوه‌ری کر ل سه‌نته‌رێ قه‌زا ئامێدیێ ل روژا دووشه‌مبی رێکه‌فتی 26/8/2013.
ل ده‌سپێکێ سه‌ره‌دانا قایمقامیا ئامێدیێ کر و ژلایێ ( مشیر محمد) قایمقامێ ئامێدیێ ب وه‌کاله‌ت و هژماره‌کا رێڤه‌به‌ران ڤه هاته پێشوازیکرن، درونشتنه‌کێدا ل کوچکا قایمقامیێ ره‌وشا ده‌ڤه‌را ئامێدیێ بگشتی هاته به‌حسکرن و دوپاتی لسه‌ر پێشکێش کرنا باشترین خزمه‌تگوزاری بو وه‌لاتییان هاته‌کرن و به‌رپرسێ لقێ هژماره‌کا داخوازیێن وه‌لاتیان گاهندنه قایمقامیێ بو دویڤچوونێ ، لدویڤدا به‌رپرسێ لقێ سه‌ره‌دانا هه‌رئێک ژ باجا ده‌رامه‌تی و دادگه‌ها ئامێدیێ و ئاسایشا ئامێدیێ و ژوورا بارێزه‌ران و نڤێسینگه‌ها گه‌شت وگوزاری کر وب گه‌رمی هاته پێشوازیکرن و ژلایێ خوڤه به‌رپرسێ لقێ ده‌ستخوشی لێ کرن بو کارێن وان و هیڤی خواستن پتر خو ماندی بکه‌ن بوخزمه‌تا وه‌لاتییان .
