لقا ئێك پێشوازی ل كوردێن روژ ئاڤا دكەت
دهوك-KDP.info/ ل زالگەها ئێتیتێ و لدەم ژمیر 6 ئێڤاری ئەندامێ ئەنجوومەنێ سەركردایەتیا پارتی عبدولخالق بابیری ب سەروكاتیا شاندەكێ لقا ئێك پێشوازی ل كوردێن روژ ئاڤا بو ناڤ ئاخا هەرێمێ كر و وەكو دیار كو ل هەرسێ پارێزگەهێن هەرێمی كەمپێن بو هاتینە دروستكرن بو ئاكنجی بونا وان ژلایێ حكومەتا هەرێمێ ڤە هەمو پێداویستی بو هاتینە دابین كرن.لقا ئێك و دگەل خیرخازێن دەڤەری دهوكێ ئەڤە بو ماوێ دوو روژانە پێشوازیێ ل خەلكێ لی قەومایێ روەژ ئاڤای ل زالگەها ئێتیتێ دگەت و پێتڤێن خورنێ بو خوراگرتن ژ برسێ تا دگەهنە جهێ ئاكنجی یا خو و دیاركرژی ژلایێ لقا ئێك ڤە ئەف هاوكاریە دێ یا بەردەوام بیت.
بابیری گوت هەمو دەما دوژمنێ كوردا هەمی دەلیڤە ل پێشیا كوردان گرتینە و كوشتان وان لاو و خورتێن كورد رێتیە و ئەڤرو ژی ب هەمان شێوە كارێن خو یێ نە مروڤایەتی ئەنجامدەن و ئەڤەژی ئەم ب خالەكا رەش دبینین
بەلێ هەر مللەتێ مە تێكوشینا نەتەوەی كریە و دێ دبەردەوام بین تا كو هَیڤیا مللەتێ مە دهیتە جێ و بو هەر كوردەكی ئەم دحازرین خزمەتێ پێشكیش بكەین وبلا دوژمن بزانن دێ هەر درژبین لسەر بەرگریكرنێ ژ مافێن تەخ و چینێن جڤاكێ كوردی و ئامادەیا خو دیاركر بو خوشكرنا ژیانا خوشك و برایێن خو یێن ئاوارە وگوت: كوردستان مالا هەمو كوردانە و سوپاسیێن بێ سنور بو خەلكێ كوردستانێ و پارێزگەها دهوكێ ژ بو هاریكاریكرنا ئاواران كرن و گوت لهەمو دەما خەلكێ مە هەلویستَن جامیرانە هەبوینە.
