عبدالخالق بابیری سەرا دەستەیا بلندا كومككرنا كەل و پەلان بو كوردێن روژئاڤا دا

ل ئێڤاریا روژا چارشەمبی رێكەفتی(21/8/2013) ب سەروكاتیا شاندەكێ لقێ ئیكێ پارتی دیموكراتی كوردستان عبدالخالق بابیری  ئەندامێ جڤاتا سەركردایەتیا پارتی و بەرپرسێ لقێ ئێكێ سەرا پاركا مزگەفتا حەجی ئەحمەدی دا كو هاتیە دەست نیشانكرن ژلایێ دەستەیا بلندا كومككرنا كەل و پەل و هاریكاریان بو كوردێن ئاوەریێن ژ كوردستانا روژ ئاڤا هاتینە هەرێما كوردستانێ و دڤێ سەرەدانێ دا بەرێز بەرپرسێ لقێ ئێك ژ نێزیك هایدار بوو ل سەر رەوشا كارێ دەستەیا ناڤبری و میكانیزما كارێ وان.

هەروەسان بابیری تەكەز ل سەر وێ چەندێ كر كو خەلكێ جامێر و سەربلندێ هەرێما كوردستانێ ڤیان و برایەتی و مروڤایەتیا خو نیشا جیهان و كوردێن روژئاڤا دا و هەروەسان دیاركر كو خەلكێ پارێزگەها دهوكێ ب تاییبەتی كەمتر خەم نەبوویە د ئەداكرنا ڤی ئەركی دا و دڤێ سەرەدانێ دا بابیری سوزدا كو ژمارەكا پێداویستێن ب ستویێ خوڤە بگریت ب تاییبەتی پێداویستێن زاروكان و ل دوماهیا سەرەدانا خودا بەرپرسێ لقێ هاریكاری و پشتەڤانیا خو ژ هەر كارەكێ پێتڤی بو دەستەیا بلندا كومككرنا كەل و پەلان نیشاندا.