ب پشکداریا جەماوەرکێ زور لقێ ١٨ ئاهەنگەک بهەلکەفتا یادا دامەزراندنا پارتی گێرا
ب بەرهەڤبوونا هێژایان (جەعفەر ئێمینکی) ئەندامێ مەکتەبا سیاسی یا پارتی دیموکراتی کوردستان و (ئەدهەم بارزانی) ئەندامێ سەرکردایەتیا پارتی و بچاڤدێریا بەرپرسێ لقێ (فەریق فاروق) ب هەلکەفتا ٦٧ سالیادا دامەزراندنا پارتی لقێ ١٨ی ئاهەنگەکا جەماوری یا بەرفرەهـ ل یاریگەها وەرزشی ل بانیا مێرستەکێ گێرا ل روژا سێشەمبی رێکەفتی ٢٠/٨/٢٠١٣.
ب بەرهەڤبوونا کارگێر و رێڤەبەر وبەرپرسێن حزبی ولەشکەری ودامودەزگەهێن میری وجەماوەرەکێ ئێکجار زور ل دەمژمێر شەشی ئێڤاری ئاهەنگێ ب خولەکەک رێزگرتن بو گیانێ پاکێ شەهیدێن کوردستانێ و سەرکاروانێ وان بارزانیێ نەمر وکاک ئدریسێ هەردەم ساخ دەسپێکر ، ل دویڤدا پەیڤا لقێ 18 و لیژنا سه‌رپه‌رشتا ئاهه‌نگێ ژ ئالیێ هێژا فەریق فاروق بەرپرسێ لقێ ڤه هاتە پێشکێشکرن و تێدا بخێر هاتنا هێژایان (جەعفەر ئێمینکی) ئەندامێ مەکتەبا سیاسی یا پارتی دیموکراتی کوردستان و (ئەدهەم بارزانی) ئەندامێ سەرکردایەتیا پارتی و هه‌می میهڤانان و جه‌ماوه‌ر ولایه‌نگرێن پارتی کر ، پاشان هێژا (جەعفەر ئێمینکی) ئەندامێ مەکتەبا سیاسی یا پارتی پەیڤا پارتی دیموکراتی کوردستان پێشکێشکر وتێدا زێده‌باری ده‌سخوشی ل لقێ 18 و بخێرهاتنا جه‌ماوه‌رێ به‌رهه‌ڤبوویی چه‌ندین په‌یامێن سیاسی دوباره‌کرن وگوت مه‌سه‌له‌یه‌کا زور یا دیاره لبه‌ر چاڤێن مه هه‌میان مه‌ترسیێن زور لسه‌ر کوردستانێ هه‌نه ، راسته ل هه‌رێما کوردستانێ سه‌قامگێریا سیاسی خوشبه‌ختانه یا به‌رقه‌راره سه‌قامگیریا ئه‌من وئاسایشێ خوشبه‌ختانه یا به‌رقه‌راره و یا بهێزه ب ئانه‌هیا خودێ بئانه‌هیا داموده‌زگه‌هێن مه‌یێن پێشمه‌رگه وئاسایشێ و پولیسان دێ هێشتا به‌رقه‌رارتر بیتن دێ بهێزتر بیتن لێ دیسان هه‌ڤالێن هیژا ئاماده‌بویێن خوشتڤی مه‌ترسیێن زور هه‌نه روژهه‌لاتا ناڤه‌راست یا دکه‌لیتن روژهه‌لاتا ناڤه‌راست رودانێن مه‌زن دێ بخوڤه بینیتن بویه تڤیا ئه‌م ژ هه‌می وه‌خته‌کی حازرتر بین یه‌کرێزییا مه تفاقا مه ته‌وافوقا مه یا نیشتیمانی زامنێ هندێ یه ئه‌م وان مه‌ترسییان هه‌میان ب ره‌ڤینین ئه‌م به‌ره‌و سه‌رکه‌فتنه‌کا مه‌زنتر بچین ..
و لداویێ هونەرمەندێن ناڤدار ودەنگخوش حسن شریف ، نازدار جزیری ، فارس گاباری و هژمارەکا هونەرمەندێن دەڤەرێ ب دەنگێن خو یێن زەلال ونازک وپەیڤ وئاوازێن شرین وشورەشگێری و نەتەوی وئەڤینداری یاریگەهـ ب هەمی بەرهەڤبوویان ڤە دلخوش کرن و سەما لبەر هاتکرن تا داویا ئەهەنگێ.
