شێخ عمران بارزانی باشداریێ د چه‌ند تازیێن ده‌ڤه‌را ئامێدیێ دا دکه‌ت

شێخ عمران بارزانی  نوینه‌رێ سه‌روک بارزانی دگه‌لدا فه‌ریق فاروق به‌رپرسێ لقێ 18ی پارتی دیموکراتی کوردستان به‌رهه‌ڤی سێ تازیان ل ده‌ڤه‌را ئامێدێ بوون و سه‌ره‌خوشیێن خو و جه‌نابێ سه‌روکێ هه‌رێمێ و کارگێریا  لقا 18 گه‌هاندنه‌ که‌س وکارێن وان ل روژا چوار شه‌مبی رێکه‌فتی 14/8/2013 .

ل ده‌ستپێکێ به‌رێزان نوینه‌رێ سه‌وروک بارزانی و به‌رپرسێ لقێ ل کومه‌ڵگه‌ها دێره‌لوک پشکداری د تازیا خودێ ژێ رازی (عبدالله محمد امین اغا رێکانی) ئێک ژ که‌سایه‌تیێن به‌رنیاس ل ده‌ڤه‌را ئامێدیێ ب گشتی و ناف هوزا رێکان بتایبه‌تی دا کر ل مزگه‌فتا مه‌زن یا ناحیا دێره‌لوک ، لدویڤدا و ل مزگه‌فتا گونێ کریادرێ ل کومه‌ڵگه‌ها سیریێ به‌شداری تازیا خودێ ژێ رازی (مدینه‌ محمد حیدر) هه‌ڤژینا (وزیر عزیز جانو) بو،

 و ل داویێ و ل ده‌ڤه‌را به‌روریا پشکداری د تازیا خودێ ژێ رازی پێشمه‌رگێ ئه‌یلولێ و ئێک ژ که‌سایه‌تیێن بناڤ و ده‌نگێن ده‌ڤه‌را به‌رواریا (محمد مراد سه‌فه‌ری) کر ل مزگه‌فتا گوندێ بێقولکێ. و دهه‌رسێ تازیان دا هێژایا هه‌فخه‌می و سه‌ر‌ه‌خوشیێن خو  و جه‌نابێ سه‌روک بارزانی گه‌هاندنه‌ مالبات و هه‌ڤالێن وان و ژ خودایێ مه‌زن خاست ب به‌هه‌شتا خو یا به‌رین شاد بکه‌ت و سه‌بر وهه‌دارێ بده‌ته‌ که‌س وکارێن وان .