به‌یانناما لقێ 18 بهه‌لکه‌فتا16ی ته‌باخێ یادا دامه‌زراندنا پارتی دیموکراتی کوردستان
ب هه‌لكه‌فتا بیره‌وه‌ریا دامه‌زراندنا پارتیامه پارتى دیموكراتى كوردستان , ب ناڤى لقا 18 و جه‌ماه‌وه‌رێ ده‌ڤه‌را ئامێدیى , پیروزباهیێن گه‌رم ئاراسته‌ى جه‌نابى (سه‌روك مسعود بارزانى) و سه‌ركردایه‌تیا پارتى و هه‌مى كادر ولایه‌نگر و جه‌ماوه‌ر و خه‌لكێ كوردستانێ دكه‌ین.
به‌رى(67)سالان ود ناڤ كاودانێن ناڤخوى و ده‌رڤه یێن دژوار دا ، پارتیا مه پارتى دیموكراتى كوردستان وه‌كو پێتڤیه‌كا دیروكى ب رێبه‌رى و سه‌روكاتیا (بارزانیێ نه‌مر)هاته دامه‌زراندن پێخه‌مه‌ت سه‌ركێشێ كرنا بزاڤا ئازادیخوازا گه‌لێ كوردستانێ كو ل وى سه‌رده‌مى كوردستان پێتڤى پارته‌ك و هێزه‌كا سه‌رده‌م و رێكخستى بو ژبو به‌رسینكگرتنا زولم و زوردارى و سیاسه‌تا چه‌وساندنا نه‌ته‌وى و جڤاكى و ئابورى و سیاسى , یاكو ل كوردستانێ وه‌كى میتود دهاته پێره‌و كرن ژلایێ داگیركه‌رێن وه‌لاتێ مه‌ڤه و ژبه‌ر ڤێ چه‌ندى پارتى هه‌ر زوى كه‌فته دناڤ خه‌باته‌كا دیرو درێژدا و پێنگاڤا ئێكێ خورتكرنا هه‌ستا نه‌ته‌وى و نیشتیمانى و په‌روه‌رى ژێیاتى بوو بو ئاخ و وه‌لاتى دناڤ رهێن جڤاكیدا چاند و ئه‌ڤه كره شه‌نگستێ بهێزێ به‌رخودان و خوراگریا گه‌لێ كوردستانێ و پارتى شیا هه‌مى خه‌لكێ كوردستانێ بێ جوداهیا ئولى و نه‌ته‌وه‌یى دناڤ چار چوڤێ ئێك هزر و ئێك ئارمانج دا كوم بكه‌ت و به‌رهنگاریا هه‌مى پیلان و پلانێن داگیر كه‌ر و نه‌حه‌زان بكه‌ت.
ب شانازییه‌كا مه‌زنڤه سه‌ره‌راى ئه‌ڤرازى و نشێڤیێن مه‌زن درێره‌وه‌كا دیروكیا خویا كێم وێنه دا و دڤى ژیێ خویێ پرى خه‌بات و به‌رخودان و قاره‌مانى دا ، پارتى هه‌تا ئه‌ڤرو ژى دكه‌ل بیتو بو هه‌مى جیهانێ و خه‌لكێ كوردستانێ دیار بكه‌ت كو چ روژه‌كێ ژ قوربانى دانێ سل نه‌بویه و دڤێ رێدا ب هزاران ژ سه‌ركرده و كادر و ئه‌ندامێن وێ بوینه قوربانیێن دوزا ره‌وایا كوردستانێ و هه‌ر ده‌م ژى ل رێزێن پێشیا خه‌باتا گه‌ل و وه‌لاتێ خو بویه و دڤى ژیێ خو یێ پر سه‌ره‌وه‌ریدا شیایه كومه‌كا مه‌زنا ده‌ستكه‌فتان بو گه‌لێ خو ده‌سته‌به‌ر بكه‌ت و ژ به‌ر ڤێ چه‌ندێ ژى پارتى بویه خاندنگه‌هه‌كا مه‌زنا شوره‌شگێرى و سیاسى و هه‌رده‌م یا ناسیار بوویه ب هه‌لویستێن خویێن نشتیمانى و سیاسیێن نه‌گور و ده‌ستكه‌فتێن ئه‌ڤرو ژى هاتینه ده‌ست ڤه‌رێژا خه‌باتا پارتى و سه‌ركێشێ وێ یێ نه‌مر (بارزانى)یه .
پیروزه سالڤه‌گه‌را دامه‌زراندنا پارتى و هزاران سلاڤان دهنێرین بو گیانێ پیروزێ ته‌ڤ شه‌هیدێن رێكا ئازادیا كوردستانێ و سه‌ر كاروانێ وان (بارزانیێ نه‌مرو ئیدریسێ هه‌رده‌م ساخ) .
لقا 18
پارتى دیموكراتى كوردستان
15/8/2013
