دهوك: ب هه‌لكه‌فتا 67 سالیا دامه‌رزاندنا پارتى دیموكراتى كوردستان لقێن 1 و 20 یێن پارتى به‌یاننامه راگه‌هاند
دهوك-KDP.info/ ب هه‌لكه‌فتا شێست و حه‌فت سالیا دامه‌زراندنا پارتامه پارتى دیموكراتى كوردستان لقێ ئێكێ به‌یاننامه‌ك به‌لاڤكر و تێدا دامه‌زراندنا پارتى ب ده‌ستپێشخه‌رى و سه‌روكاتیا بارزانیێ نه‌مر ب پێدڤیه‌كا دیروكى یا گه‌لێ كوردستانێ و بزاڤا رزگاریخوازا خه‌لكێ كوردستانێ بوویه
پارتى ئه‌ڤرو ب شانازیه‌كا مه‌زن ڤه شێست و حه‌فت سالا ژخه‌باته‌كا بێ وه‌ستیان و راوه ستیان و پر ئه‌ڤرازى ونشیڤى و داستان و كاره‌سات لاپه‌رێن زێرین ژدیروكا نوى یا خه‌لكێ كوردستانێ توماركرینه وهه‌رده‌م هێز و ئیرادا پارتى خه‌لكێ كوردستانێ بویه.
پارتى دشێست و حه‌فت سالێن خه‌بات و تێكوشینا به‌رده‌وام دا شیایه ناسناما نه‌ته‌وه‌یى یا كوردستانێ ب پارێزیت و نه‌هێلایه د چ وه‌خته‌كێ دا توڤێ بێ ئومێدیێ دناڤ كه‌سایه‌تیا مروڤێ كوردا شین ببیت، زێده‌بارى پیلان و كاره‌ساتێن مه‌زن ب سه‌ردا هاتین، لێ هیڤى و باوه‌رى ب ره‌واتیا دوزا ملله‌تى كورد و راستیا سه‌ركه‌فتێ هه‌رده‌م هێزا به‌ره‌ڤانى و به‌رده‌وامیێ بویه.
دڤان سالان دا پارتى ب سه‌ركێشیا بارزانیێ نه‌مر مه‌زنترین و به‌فره‌هترین شوره‌ش د دیروكا بزاڤا رزگاریخوازا كوردستانێ دا ل شورشا ئه‌یلولێ بكه‌ت و رێكه‌فتنا خیانه‌تكاریا جه‌زائیر نه‌شیا رێگریێ ل سه‌رهلدانا شوره‌شا گولانا پیشكه‌فتن خواز و ل سه‌رهلدانا بهارا هزار و نه‌ه سه‌د و نوت ئێكێ بگریت.
پارتى ب مه‌زنترین قوتابخانا كوردایه‌تیێ و دیموكراسیێ د هێته هژمارتن و ئه‌ڤرو ژى دچه‌په‌ریێن ده‌ستپێكێدایه ب سه‌روكاتیا سه‌روك بارزانى، نه بتنێ ل سه‌ر ئاستێ هه‌رێمێ به‌لكو ل سه‌ر ئاستێ نه‌ته‌وه‌یى و ئێراقێ و ده‌وله‌تی ژی دا پارتی كارئه‌كته‌ره‌كێ سه‌ره‌كى یه د ئاڤاكرنا ئێراقا نوى یا دیموكرات و فیدرال دا. پارتی هه‌رده‌م ب رێز ل خه‌باتا هه‌مى هێز و لایه‌نێن كوردستانێ دنێریت و بنگه‌هێ ئێك رێزی و ته‌ڤایی یه و خه‌باتا هه‌ڤپشك و پێشكێشكرنا هه‌مى هێزان به‌ره‌ڤ خه‌باتا نیشتیمانى و دیموكراسى و مه‌ده‌نى ڤه بریه. لسه‌ر ئاستێ نه‌ته‌وه‌یى ژى پارتى هه‌رده‌م خودان هه‌لویستێ خۆ یێ نه‌گهور بویه دگه‌ل خه‌باتا رزگارى و ئازادیا وان دا و سته‌م و زوردارى یا دژی وان ره‌تكریه و تایبه‌تمه‌ندى و قوناغا پێشكه‌فتنا وان ل به‌رچاڤ دانایه، و هه‌رده‌م كاركریه ژبو گرێًدانا كونگرێ نه‌ته‌وه‌یى كو هه‌مى هێز و لایه‌نێن كوردستانێ ب جوداهیا ئایدولوژیان و چه‌مكێن هزرى لبن ئێك ئارمانج و په‌یام دا كوم ببن، ئه‌وژی په‌یاما ئاشتیێ و برایه‌تیێ و پێِكڤه‌ژیانێ یه دگه‌ل نه‌ته‌وه‌یێن دى ل روژ هه‌لاتا ناڤه‌راست ل سه‌ر بنه‌مایێ هه‌ڤدوو قه‌بویلكرن و رێزگرتن ل ئیراده و مافێن هه‌مى نه‌ته‌وه‌یان، و ب شانازی ڤه ئه‌ڤرو هه‌ر كورده‌ك ل هیڤى یا ئه‌نجامێن گرێدانا كونگرێ نه‌ته‌وه‌یى نه ل هه‌ولێرا پایته‌خت. پارتى نه بتنێ پارته‌كا سیاسى و شوره‌شگێر بویه به‌لكو بزاڤه‌كا رزگاریخوازا نیشتیمانى بویه ژ پێخه‌مه‌ت به‌رپاكرنا جڤاكه‌كێ پێشكه‌فتن خواز و ئاڤاكرنا كوردستانێ ژ كاڤلكارێن داگیركه‌ران و گه‌شه‌كرنا هه‌مى بیاڤێن ژیانێ ومفاوه‌رگرتن ژسه‌روه‌ت وسامانێن كوردستانێ وپیشڤه‌برنا ئاستێ ره‌وشه‌نبیرى و زانستى یێ خه‌لكێ كوردستانێ كو ب مه‌زنترین سامان دزانیت.
هه‌ر بڤێ هه‌لكه‌فتا پیروز لقێ بیست یێ پارتى دیموكراتى كوردستان ئه‌ڤ بیره‌وه‌ریه ل سه‌رجه‌م جه‌ماوه‌رێ كوردستانێ پیروز كر و پیروزباهیێن گه‌رم پێشكێشى سه‌روك مسعود بارزانى و سه‌ركردایه‌تیا پارتى و هه‌مى لایه‌نگر و خه‌لكێ كوردستانێ كرینه
به‌رى شێست و حه‌فت سالان و دناڤ كاودانێن نافخو و ده‌رڤه یێن دژوار دا پارتى وه‌كو پێدڤیه‌كا دیروكى ب رێبه‌رى و سه‌روكاتیا بارزانیێ نه‌مر هاته دامه‌زراندن و سه‌ركێشا بزاڤا ئازادیخواز گه‌لێ كوردستانێ كر و ب شانازیه‌كا مه‌زن و زێده‌بارى ئه‌ڤرازى و نشیڤیێن مه‌زن د دیروكا خو یا كێم وێنه‌دا پارتى هه‌تا ئه‌ڤرو شیایه خو وه‌كى پارته‌ك و سازیه‌كا نوى گه‌هشتى ل مه‌یدانا خه‌باتا سیاسى كار بكه‌ت و بو هه‌مى خه‌لكێ جیهانێ و كوردستانێ دیار بكه‌ت كو چ روژه‌كێ ژ قوربانى دانێ سست نه‌بوویه و دڤێ رێكێ را ب هزاران ژ سه‌ركرده و كادر و ئه‌ندامێن وێ بووینه قوربانیێن دوزا ره‌وایا كوردستانێ و نوكه بوویه خواندنگه‌هه‌كا مه‌زنا شوره‌شگێریێ ب هه‌لویستێن خو یێن نیشتیمانى و سیاسیێن نه‌گوهور و ئه‌و ده‌ستكه‌فتێن ئه‌ڤرو ب ده‌ستڤه‌هاتین ڤه‌رێژا خه‌باتا پارتى و سه‌ركێشێ وێ بارزانیێ نه‌مره.
