به‌رپرسێ لقێ 14یێ پارتى دگه‌ل پارێزگه‌رێ مویسل كومبوو

میسل- KDP.info/ ئه‌ڤرۆ عسمه‌ت ره‌جه‌ب به‌رپرسێ لقێ چارده‌ یێ پارتى دیمۆكراتى كوردستان و سه‌رۆكێ لیستا برایه‌تى و پێكڤه‌ژیانێ ل پارێزگوها مویسل دگه‌ل پارێزگه‌رێ مویسل ئه‌سیل نوجێفى و جێگرێ وى كومبوونه‌ك ئه‌نجامدا. د وێ كومبوونێ دا ل سه‌ر ره‌وشا گشتیا پارێزگه‌هێ ئاخڤتن و ب تایبه‌ت ل سه‌ر ره‌وشا نوكه‌ و ئه‌و ئه‌رك و كارێن دكه‌ڤنه‌ به‌رامبه‌رحكومه‌تا نویا پارێزگه‌ها مویسل نه‌خا سمه‌ د بیاڤێ خزمه‌تگوزارى و ئاسایشێ دا. هه‌ردوولا ل سه‌ر وێ چه‌ندێ ئێك بوچوون بوون ئه‌وژى پێدڤیه‌ حكومه‌تا نوى باوه‌ریا جه‌ماوه‌ورى ب ده‌ست ڤه‌ بینیت، ژ لایێ خۆڤه‌ پارێزگه‌رێ مویسل ئاماژه‌ب رۆلێ لیستا برایه‌تى و پێكڤه‌ژیانێ د نێزیككرنا هه‌مى پێكهاته‌یێن پارێزگه‌ها مویسل و به‌لاڤكرنا گیانێ برایه‌تیێ د ناڤبه‌را وان داكر.

دیسان عسمه‌ت ره‌جه‌ب به‌رپرسێ لقێ چارده‌ یێ پارتى دیمۆكراتى كوردستان و سه‌رۆكێ لیستێ برایه‌تى و پێكڤه‌ژیانێ ل پارێزگه‌ها مویسل ل باره‌گایێ لقێ پێشوازى ل ماقویل و كه‌سایه‌تیێن عه‌شیرا ئه‌ل ئه‌عره‌جیه‌ ل قه‌زا قه‌رقوش و ناحیا به‌رتله‌ كر.
د وێ هه‌ڤدیتنێ دا ل سه‌ر ره‌وشا گشتیا ده‌ڤه‌را ده‌شتا مویسل ژ لایێ ئه‌منى و خزمه‌تگوزاریان ڤه‌ ئاخڤتن و مێهڤانان داخاز ژ به‌رپرسێ لقێ كرن كو هه‌ر به‌رده‌وام بن ل سه‌ر وێ رێبازا گرتى بۆ خزمه‌تكرنا هه‌مى پێكهاتیێن ڤێ ده‌ڤه‌رێ و نه‌خا سمه‌ پشتى لیستا برایه‌تى و پێكڤه‌ژیانێ ل پارێزگه‌ها مویسل د هه‌لبژارتنان دا پلا ئێكێ بده‌ستڤه‌ ئیناى  و هه‌روه‌سا داخاز كرن كو گرنگى ب ڤێ ده‌ڤه‌رێ بهێته‌ دان.
ژ لایێ خۆڤه‌ عسمه‌ت ره‌جه‌ب سوزدا هه‌مى شیانێن خۆ بكاربینیت بۆ خزمه‌تكرنا ده‌ڤه‌را ده‌شتا مویسل و ڤێ داخازا وان ئه‌و دێ گه‌هینیت جهێن شوله‌ژێ.