داخویانیا لقێ 18 بهەلکەفتا بیرەوەریا کارەساتا گر عزێر و سیبا شێخ خدر
جەماوەرێ دەڤەرا ئامێدیێ و کوردستانێ
جارەکا دی دئینینە بیرا هەوە کو بەری شەش سالان ل 14-8-2007ێ خەلکێ سڤیلێ بێ گونەهێ ئاکنجی ل گر عزێر و سیبا شێخ خدر ل دەڤەرا شنگالێ توشی چەندین تەقینێن دوژمنێن گەلی کوردستانێ بوون و دئەنجامدا 312زارو و ژن و پیر شەهید بوون و پتر ژ 700کەسێن دی بریندار بوون، ئەف کارێ تیرورست هاتیە ئەنجامدان ئێکە ژ زنجیرێن جینوسایدێ ئەوێن کو دژی گەلێ کوردستانێ هاتینە ئەنجامدان کو ئارمانج ئەو بویە خەلکێ کوردستانێ توشی ترس ولەرز و بێ ئومێدیێ بکەن بو هندێ دەستان ژ هەمی ماف و ئازادیا خو بەردەن، هەر چەندە کوڤانەکا مەزنە ول بیرا گەلێ مەیە لێ دوژمن وتیرورست نەشیان ئارمانجا خو جیبەجێبکەن بەرامبەر ڤێ چەندێ خەلکی دەڤەرا شنگالێ ب هەمی تەخ وچینێن خوڤە گیانێ خو راگریێ و بەرخودانێ ل دەف وان موکوم تر لێ کر، جارەکا دی کوردێن رەسەنێن دەڤەرێ وهەمی دەڤەرێن دی هەلویستێن خو یێن کوردایەتی یێن رەسەن بەرامبەر ڤان تاوانێن مەزن دوبارەکرەڤە، ب دەنگەکێ بلند گوت ئەف تاوانێن مەزن ئەڤێن دژی خەلکێ مە دهێنە ئەنجامدان وەل مە ناکەن کو ئەم دەستا ژ ماف و ئازادیا خو و کوردستانیەتا دەڤەرێ ل شنگالێ بەردەین و ئەم داخوازێ دکەین مادێ 140ژ دەستورێ عیراقێل زویترین دەم بهێتە جێبەجێکرن دا شنگال و هەمی دەڤەرێن دی بزڤرنە سەر کوردستانێ و هەمی خەلک ب مافێن خو شاد بن، بەرامبەر ڤێ کارەساتا جەرگبر یا شنگالی جەنابێ سەروک بارزانی دەملدەست ئەف کارە رسوا و شەرمزار کر و چەندین بریارێن دیروکی وەرگرتن بو بەرڤانیکرنێ ژ جەماوەر و ئاخا شنگالێ، دەملدەست چەندین هێزێن پێشمەرگەی رەوانەی دەڤەرێ کرن و هەمی هاریکاریێن جوراوجور بو دەڤەرێ رەوانە کرن و ئەف هەلویستێ جەنابێ سەروک بارزانی ب هەلویستێن زورێن گرنگ دهێنە ل قەلەمدان و خەلکێ کوردستانێ هەمی ب چاڤەکێ رێزگرتنێ تەماشە دکەنێ، هەروەسان مەکتەبا سیاسی و هەمی لقێن پارتی بێ زاریا خو دەربری و ئەف کارە شەرمزارکر و هاریکاری بو خەلکێ وێ دەڤەرێ فرێکرن و ئێک ژوان لقا مە لقا18 بوو، ب هەمی رەنگێن هاریکاریێ و سەدان گەنجێن دەڤەرێ خوینا خو بەخشی بو بریندارێن ڤێ کارەساتا دلتەزین .
بڤێ هەلکەفتا دلتەزین جارەکا دی سەرێ رێز ورومەتێ بو شەهیدان دچەمینین، داخا زا شیفایێ بو برینداران دکەین و داخازێ ژ حکومەتا فیدرال یا عیراقێ و حکومەتا هەرێما کوردستانێ دکەین هەمی شیانێن خو تەرخان بکەن تاوانباریت ڤان تاوانان بکەڤنە بەر دادگەهێ و بگەهنە سزایێن پیتڤی و کەس وکارێن قوربانیان بهێنە قەرەبوکرن .سەربلندی بو شەهیدێن دەڤەرا شنگالێ و هەمی شەهیدێن رێکا ئازادیێ و سەرکاروانێ شەهیدان بارزانیێ نەمر وئدریسێ هەردەم ساخ .
ساخ وسلامەتی بو هەمی بریندارێن ڤێ کارەساتێ ............. شەرمزاری و سەرشوری بو دوژمنێن کوردستانێ .
لقا 18
پارتی دیموکراتی کوردستان
