لقێ ١٨ پێشوازیا گروپا ریپیڤانا زاخو بو سەر مەزارێ نەمران دکەت
ئامێدیێ-KDP.info/ فەریق فاروق بەرپرسێ لقێ ١٨ی پارتی دیموکراتی کوردستان و تەڤایا کارگێر و کادرێن لقێ پێشوازیا ئەندامێن گروپا رێپیڤانا ژ زاخو بو سەر مەزارێ نەمران ل بارزان کر ل روژا سیشەمبی رێکەفتی ١٣/٨/٢٠١٣.
شمال عبدی سەرکێشێ ڤێ رێپیڤانێ د داخویانیەکێدا بو مالپەرێ لقێ ١٨ گوت :- ب هەلکەفتا ١٦ی تەباخێ یادا دامەزراندنا پارتی دیموکراتی کوردستان مە وەک هژمارەکا کادر وپێشمەرگێن ئەیلول وگولانێ وکورێن شەهیدان و گروپا خوبەخشا وێنێت بارزانیێ نەمر و ب هاریکاریا لقێ زاخو یێ پارتی دیموکراتی کوردستان بفەر زانی ئەم ب ڤێ رێپیڤانێ رابین بو سەر مەزارێ نەمران ل بارزان و ل سپێدەیا دوهی روژا دووشەمبی ئەم ب رێکەفتینە و مە لبەرە بچینە سەر مەزارێ نەمران ول دویڤدا بچینە مەکتەبا بەرێز مەسعود بارزانی سەروکێ هورێمێ و کێم وکاسیێن زاخو بگەهینینێ و دیسان بناڤێ خەلکێ زاخو دێ داخوازێ ژ جەنابێ وی بکەین مەکتەبەکا خو ل زاخو ڤەکەت دا پترهایداری رەوشا زاخو و خەلکێ وێ بیت.
دیسان سەرکێشێ ڤێ رێپیڤانێ گوت پر ژ دل سوپاسیا بەرپرسێ لقێ ١٨ و هەمی کارگێر وکادرێن وێ دکەین بو ڤێ پێشوازیا گەرم و بەرهەڤکرنا خوارنا نیڤرو ب سوپاسیڤیە هێژا فریق فاروق بەرهەڤیا خو دیار کر بو هەر هاریکاریەکا پیتڤی.
