ب هه‌لكه‌فتا 16ی ته‌باخێ، 16 پێشمه‌رگه‌یێن ئیلون و گۆلانێ به‌ره‌ڤ مه‌زارێ نه‌مران ب رێ كه‌فتن
زاخو-KDP.info/ ب هه‌لكه‌فتا 16ی ته‌باخێ، سالرۆژا دامه‌زراندنا پارتی دیموكراتی كوردستان و بورینا 67 سالان ب سه‌ر ئێكه‌م رۆژا دامه‌زراندنا پارتیێ، لقێ 8ێ پارتی بۆ به‌رزراگرتنا ڤێ یادا پیرۆز ل سپێده‌هیا ئیرۆ چالاكیێن 16ی ته‌باخێ رێ و ره‌سمێن چوونا گرۆپه‌كێ پێشمه‌رگه‌یێن ده‌ڤه‌را زاخۆ ژ باره‌گایێ لقێ 8ێ‌پارتی ب رێپیڤان به‌ره‌ڤ مه‌زارێ نه‌مران ل بارزان ده‌ستپێكرن.
د پێشوازیا ڤێ گرۆپێ دا سه‌ربه‌ست له‌زگین به‌رپرسێ لقێ هه‌شت ب گه‌رمی ب خێرهاتنا وان كر و دیاركر كو ب هه‌لكه‌فتا 16ی ته‌باخێ وه‌كو لقێ8 دێ هژماره‌كا چالاكیان ئه‌نجام ده‌ت و مه پێ خۆش بوو ب چوونا ڤی گرۆپێ پێشمه‌رگه‌ییان بۆ سه‌ر مه‌زارێ نه‌مران ل بارزان ده‌ست پێ بكه‌ین.
به‌رپرسێ لقێ گۆت ژی؛ دامه‌زراندنا پارتی وه‌رچه‌رخانه‌كا گرنگه د مێژوویا بزاڤا رزگاریخوازا كوردی دا چونكی د ماوه‌یێ 67 سالێن ژیێ خۆ دا سه‌ره‌رایی هه‌می ئاسته‌نگ و پیلانێن دۆژمنی لێ پارتی شیا سه‌نگ و هێزا خۆ ژ ده‌ست نه‌ده‌ت و خزمه‌ته‌كا مه‌زن پێشكێشی ملله‌تێ كورد بكه‌ت و ئه‌ڤ چه‌نده ژی دزڤریت بۆ رۆلێ حه‌كیمانه‌یا سه‌رۆك بارزانی و سه‌ركردایه‌تی و جه‌ماوه‌رێ دلسوزێ پارتی و بارزانی.
شیمال عه‌بدی به‌رپرسێ سه‌نته‌رێ پاراستنا وێنه‌یێن بارزانی نه‌مر سوپاسیا لقێ8ێ پارتی كر بۆ پشته‌ڤانیا وان یا به‌رده‌وام كو مه‌ره‌م ب ڤێ‌رێپیڤانێ ئه‌وه وه‌كو دلسوزی و وه‌فاداریه‌ك هه‌مبه‌ر خه‌بات و خزمه‌تا پارتی و بابێ رۆحیێ نه‌ته‌وه‌یا كورد بارزانیێ نه‌مر مه ب فه‌ر دیت وه‌كو گرۆپه‌ك ب رێپیڤان به‌ره‌ڤ مه‌زارێ نه‌مران و مه‌كته‌با سیاسی یا پارتی ڤه بچین كو ژڤان ئه‌وه ل 16ی ته‌باخێ بگه‌هینه سه‌ر مه‌زارێ نه‌مران.
