فەریق فاروق سەرا چەندین خێزانین هەژارو كێم دەرامەتێن سیریێ ددەت

ئامێدیێ-KDP.info/ ل کومەڵگەها سیریێ دوماهیک وێسگەهـا بەرنامێ لقێ ١٨ی پارتی دیموکراتی کوردستان یێ تایبەت ب مەها رەمەزانا پیروز هاریکاریێن دراڤی لسەر 50 خێزانێن هەژار هاتن پارڤەکرن و سەرجەمێ خێزانێن مفادار ژ ڤی بەرنامەی گەهشتە ٤٥٢ خێزانان لسنورێ لقێ.

شاندەکێ لقێ ١٨ ی‌ پارتی ب سەرپەرشتییا فه‌ریق فاروق بەرپرسێ لقێ دگەلدا عەدنان میکائیل سنجی بەرپرسێ لیژنا سیریێ یا پارتی ب وەکالەت سەرەدانا دەهان خێزانێن هەژار وکێم دەرامەت و خودان پەککەفتی و نەساخ لسنورێ لیژنا ناڤهاتی کر و هاریکارێین دراڤی لسەر پارڤەکرن.

کارگێرێ لقێ تێلی بناڤی بەرپرسێ نڤیسینگەها داریی وکارگێرییا لقی ١٨ د داخویانیەکێدا گوت :- لگورەی بەرنامێ هاتیە دارشتن بو هەیڤا رەمەزانێ هێژا فەریق فاروق بەرپرسێ لقێ سەرەدانا چەندین خێزانێن هەژار کر ودیسان سەرەدانا چەند نەساخ و پەککەفتییان کر بو هندێ کو ژ نێزیک رەوشا وان ببینیت و بشێین هاریکاریێن لقێ ١٨ بگەهینین وان، دیسان بەرپرسێ لیژنێن هەر ٨ ناوچان ب هەمان کار رابوینە وهەروەسان ل بارەگایێ لقێ ژی مە ئەف چەندە ئەنجامدایە و سەرجەمێ خێزانێن ئاکنجیێن سنورێ لقێ هاریکاریا وان ب کوژمەکێ پارەی هاتیە کرن د مەها رەمەزانێ دا گەهشتیە ٤٥٢ خێزانان . ئەم پر ژدل سوپاسیا وان هەمی خێزانان دکەین یێن دەرگەهێن خو بومە ڤەکرین و بگەرمی پێشوازیا مەکری، خوشبەختانە ئەم شیاین باشتر ژ پارسال بەردەوامیێ بدەینە بەرنامێ خو، هیڤیا مە ئەوە هەرسال ئەم بشێین بەرنامەکێ ب ڤی رەنگێ جێبەجێ بکەین ژبو خزمەتا خەلکێ خو.