لقێ ئێك هایداری ره‌وشا ژیانا خه‌لكێ دهوكێ دبیت

دهوك-KDP.info/به‌رده‌وامی دان ب به‌رنامێ خێرخوازیێ یێمه‌ها ره‌مه‌زانا پیروز ئه‌وێ سالانه‌ ژ لایێ لقێ ئێكێ پارتی دیموكراتی كوردستان ڤه‌ دهێته‌ دانان ژبو نێزیك ئاگه‌هداربوون ل سه‌ر ره‌وشا ژین و ژیارا خه‌لكێ ده‌ڤه‌رێ  عبدالخالق بابیری به‌رپرسێ لقێ ئێكێ پارتی سه‌را هژماره‌كا خێزانێن كر ل سنورێ هه‌ردوو لژنێن ئالا و ئازادی  و دڤان سه‌ره‌دانان دا به‌رپرسێ لقێ ئه‌ڤ جوره‌ سه‌ره‌دانه‌ و ب ئه‌ركه‌ك زانی ل سه‌ر ملێت پارتی ب تاییبه‌تی ل سه‌ر ملێت لقێ ئێك و دا دیاركر پێتڤی یه‌ خه‌لكێ سنورێ لقێ ئێك ب هه‌می ته‌خ و چینێن جودا جودا ڤه‌ لقێ ئێك ب مالا خو بزانن.

دڤان سه‌ره‌دانادا به‌رپرسێ لقێ هه‌یڤا ره‌مه‌زانێ ل خێزانێن ناڤبری پیروز كر و دیار كر ئه‌ڤ هه‌یڤه‌ گه‌له‌كا ب خێر و بهایه‌ و گرنگی یه‌كا تایبه‌ت ل ده‌ف مه‌ هه‌یه‌ و هیڤیا مه‌ ئه‌وه‌ بیته‌ هه‌یڤا خێر و خوشی و به‌ره‌كه‌تێ دناڤ ملله‌تێ مه‌ دا و ئه‌م ب فه‌ر دبینین دڤێ هه‌یڤێ دا پتر بچینه‌ دناڤ خه‌لكێ خو دا داكو ژنێزیك ئاگه‌هدار بین ل سه‌ر كێم و كاسیێن وان و ڤێ چه‌ندێ ژی ئه‌م ب ئه‌ركێ خو دزانین.
دته‌وه‌ره‌كێ دی دا به‌رپرسێ لقێ 1 گوهداریا وان خێزانان كر و چه‌وانیا ب رێڤه‌چوونا ژین و ژیارا وان یا روژانه‌ و ئه‌و گرفتێن دكه‌ڤنه‌ درێیا وان دا و دڤی بیاڤی به‌رپرسێ لقێ دووپات كر كو دێ كێشه‌یێن وان گه‌هینه‌ جهێن په‌یوه‌ندیدار و دا لدیف شیانان چاره‌سه‌ر بكه‌ن.

ژلایێ خو ڤه‌ ئه‌و خێزانێن هه‌ژار و كێم ده‌رامه‌ت ئه‌وێن د چارچوڤێ به‌رنامێ هاریكاریێن لق 1 دا ل ده‌ڤه‌رێ د هه‌یڤا ره‌مه‌زانا پیروزدا هاریكاری و دیاری بو هاتینه‌ پێشكێشكرن دلخوشیا خو ب رێكخستنا ڤی به‌رنامێ رێك و پێك دیاركر كو پارتی دیموكراتی كوردستان سه‌لماندیه‌ هه‌رده‌م د گه‌ل ملله‌ت و خه‌لكێ خودا بوویه‌ و خو ل كێم و كاسیێن وان كریه‌ خودان و دگه‌ل ئێش و ئازارێن ته‌خ و چینێن جودا ژیایه‌ هه‌روه‌سا وان خێزانان سوپاسیا لقا1 یا پارتی دیموكراتی كوردستان و لیژنێن پارتی كر بو پێشكێشكرنا وان هاریكاریان.