بەرپرسێ لقێ 8 سەرا چەندێن خیزانان دكەتن

زاخو-KDP.info/ ل گوره‌ی به‌رنامێ لقێ 8ێ پارتی دیموكراتی كوردستان بۆ سه‌ره‌دانێت خێزانێن شه‌هید و پێشمه‌رگێن قه‌هره‌مان، سه‌ربه‌ست له‌زگین به‌رپرسێ لقێ ب سه‌رپه‌رشتیا شانده‌كی سه‌را هژماره‌كا خێزانێن شه‌هید و پێشمه‌رگێن قه‌هره‌مان ل سنورێ لێژنا ناوچا خابور یا پارتی دا و ژ نێزیك ئاگه‌هدار بوو ل سه‌ر ژین و ژیارا وان.

د ڤان سه‌ره‌دانا دا به‌رپرسێ لقێ خه‌بات و خوراگریا شه‌هید و پێشمه‌رگێن قه‌هره‌مان دروژێن سه‌خت و دژواردا بلند نرخاندن و دیار كر كو ئه‌ڤ ئازادی و پێشكه‌فتنا ئه‌ڤرۆ ئه‌م تێدا دژین به‌رهه‌مێ خوینا شه‌هید و پێشمه‌رگێن خوراگره‌ له‌ورا خه‌باتا وان ناهێته‌ ژبیر كرن و هه‌ر خزمه‌ته‌كا بۆ كه‌س و كارێن شه‌هیدان بهێته‌ كرن نا هێته‌ به‌راورد كرن هه‌مبه‌ر وێ زه‌حمه‌ت و ده‌رده‌سه‌ریێن پێشمه‌رگان دناڤ شوره‌شێ دا دیتین و ئه‌م وه‌كو پارتی ب ئه‌ركێ خو دزانین به‌رده‌وام پسیارا ژیارا وێرسێن شه‌هیدان و پێشمه‌رگێن قه‌هره‌مان بكه‌ین و گوهداریا گله‌ و گازنده‌ و كێماسیێن وان بكه‌ین و ل گوره‌ی شیانان بۆ چاره‌سه‌ر بكه‌ین.

ژلایێ خوڤه‌ خێزانێن ناڤبری سوپاسیا به‌رپرسێ لقێ 8 كر بۆ ڤێ سه‌ره‌دانێ و دووپاتی ل سه‌ر هه‌لویستێ خو یێ كوردپه‌روه‌ری و نه‌ته‌وه‌ی كر و هه‌ڤده‌م به‌رپرسێ لقێ پشته‌ڤانی و به‌رهه‌ڤیا لقێ بۆ هه‌ر كاره‌كێ دخزمه‌ت دا دووپات كر.