سه‌ربه‌ست له‌زگین و رێڤه‌به‌رێ گشتیێ كاره‌بێ باس ل پرۆژه‌یه‌كێ 800 مێگاواتى بۆ زاخۆ دكه‌ن
زاخو-KDP.info/ سه‌ربه‌ست له‌زگین به‌رپرسێ لقێ 8ێ پارتى دیموكراتى كوردستان ل زاخو پێشوازى ل ئه‌ندازیار كه‌مال محه‌مه‌د رێڤه‌به‌رێ گشتى یێ كاره‌با پارێزگه‌ها دهوكێ و شاندێ دگه‌ل دا كر و د روینشتنه‌كى دا باس ل پرۆژه‌یه‌كێ 800 مێگاواتى بۆ زاخۆ دكه‌ن.
درینشتنه‌كێ دا به‌رپرسێ لقێ و رێڤه‌به‌رێ گشتى یێ كاره‌بێ به‌حسێ كار و پرۆژه‌یێن رێڤه‌به‌ریا كاره‌بێ ل سنورێ زاخۆ و ئه‌و پێداویستى و كێماسیێن هه‌ین و چه‌وانیا چاره‌سه‌ركرنا وان و پلانا رێڤه‌به‌ریێ بۆ سالێن بهێت كر و د ڤى بیاڤى دا به‌رپرسێ لقێ ده‌ستخۆشى ل رێڤه‌به‌ریا كاره‌بێ كر ژبۆ وێ خه‌مخوریا وان دكارى دا كو بخوشحالى ڤه تا راده‌یه‌كێ زور كێم و كاسیێن كاره‌بێ چاره‌سه‌ركرینه و ئه‌ڤرۆ كاره‌با نیشتمانى پێشكه‌فتنه‌كا به‌رچاڤ بخوڤه دیتیه و بویه جهێ رازه‌مه‌ندیا هه‌مى لایه‌كى.
هه‌ر د رینشتنێ دا رێڤه‌به‌رێ گشتى یێ كاره‌بێ خویا كر كو د پلانا حكومه‌تێ دایه ل ده‌مه‌كێ نێزیك گرێبه‌ستێ دگه‌ل كومپانیه‌كێ ئیمزا بكه‌ن ژبو چێكرنا پروژه‌یه‌كێ (800) مێگاواتى ل ده‌ه‌ڤه‌رێ كو ل پاشه‌روژێ دێ خزمه‌ته‌كا مه‌زن پێشكێشى خه‌لكێ ده‌ڤه‌رێ كه‌ت.
