لدۆر هه‌لبژارتنان، لقێ هه‌شتێ پارتى كونفرانسه‌كى ساز دكه‌ت

زاخو-KDP.info/ ژبۆ دارشتنا میكانزم و پلانه‌كا گونجاى بۆ باشتر برێڤه‌چوونا كارێ پارتایه‌تى و خو به‌هه‌ڤ كرن بۆ پێشهاتێن نوى، لقێ 8 پارتى دیموكراتى كوردستان كونفرانسه‌كێ تایبه‌ت ساز كر.

ل دور ڤى كونفرانسى سه‌ربه‌ست له‌زگین به‌رپرسێ لقێ 8ێ پارتى  ل زاخۆ دپه‌یڤه‌كێ دا گوت : ژبه‌ر ره‌وشا تازه‌ یا ئه‌م تێدا ده‌رباز دبین و پێشهاتێن نوى و دارشتنا میكانزمه‌كا گونجاى بۆ باشتر برێڤه‌چوونا كارێ پارتایه‌تى د ماوێ بهێت دا مه‌ ب فه‌ر دیت ئه‌م كونفرانسه‌كێ تایبه‌ت ساز بكه‌ین و ئه‌ڤ كونفرانسه‌ دێ بشێوه‌كێ ئه‌كادیمى و ورد هێته‌ ئه‌نجام دان و سه‌رجه‌م به‌رپرسێن پارتى ل هه‌ر جهه‌كێ كارى دێ به‌رهه‌ڤ بن و دێ ب وردى دیراسه‌تا ره‌وشا ده‌ڤه‌را زاخۆ كه‌ین ژ هه‌مى روویه‌كى ڤه‌.

ل دیڤدا لیژنا ئاماده‌كاریا كونفرانسى راپورته‌كا ب تێروته‌سه‌لى بۆ ئاماده‌بوویان خاند و تێدا ئالیه‌تێ كارى و ئه‌رك و به‌رپرسیارێن كادران  بۆ ماوێ بهێت دیار كرن و ژبۆ پتر زه‌نگینكرنا ڤى كونفرانسى تێبینى و بووچونێن هه‌ڤالان ده‌رباره‌ى ناڤه‌روكا راپورتێ هاتنه‌ گه‌نگه‌شه‌كرن و مفا ژێ هاته‌ وه‌رگرتن.