بەرپرسێ لقێ 18 سەرەدان و هاریكاریا 58 خێزانان لدێرەلوكێ دكەت

دێرەلوك-KDP.info/ ب هه‌لكه‌فتا هه‌یڤا ره‌مه‌زانا پیروز لقێ 18یێپارتی دیموكراتی كوردستان ل ئامێدیێو لدیف به‌رنامێ سالانه‌ كو ژلایێ كارگێریا لقێ ب هه‌ماهه‌نگی دگه‌ل لێژنێن نافخویی ڤه‌ هاتیه‌ دارشتن (فەریق فاروق )به‌رپرسێ لقێ 18 پارتی ب سه‌رپه‌رشتیا شانده‌كیو (رەمەزان احمد ) بەرپرسی لیژنا ناوچا دیرالوك و كارگیریا لیژنیسه‌را 58 خێزانێن ئاكنجی ل سنورێ ل.ن.دێرەلوكدا و ژنێزیك ئاگه‌هدار بوو ل سه‌ر چه‌وانیا برێڤه‌چوونا ژیارا وان.

دڤان سه‌ره‌دانادا به‌رپرسێ لقێ هه‌یڤا ره‌مه‌زانێ ل خێزانێن ناڤبری پیروز كر و دیار كر ئه‌ڤ هه‌یڤه‌ گه‌له‌كا ب خێر و بهایه‌ و گرنگی یه‌كا تایبه‌ت ل ده‌ف مه‌ هه‌یه‌ و هیڤیا مه‌ ئه‌وه‌ بیته‌ هه‌یڤا خێر و خوشی و به‌ره‌كه‌تێ دناڤ ملله‌تێ مه‌ دا و ئه‌م ب فه‌ر دبینین دڤێ هه‌یڤێ دا پتر بچینه‌ دناڤ خه‌لكێ خو دا داكو ژنێزیك ئاگه‌هدار بین ل سه‌ر كێم و كاسیێن وان و ڤێ چه‌ندێ ژی ئه‌م ب ئه‌ركێ خو دزانین.
دته‌وه‌ره‌كێ دی دا به‌رپرسێ لقێ 18 گوهداریا وان خێزانان كر و چه‌وانیا ب رێڤه‌چوونا ژین و ژیارا وان یا روژانه‌ و ئه‌و گرفتێن دكه‌ڤنه‌ درێیا وان دا و دڤی بیاڤی به‌رپرسێ لقێ دووپات كر كو دێ كێشه‌یێن وان گه‌هینه‌ جهێن په‌یوه‌ندیدار و دا لدیف شیانان چاره‌سه‌ر بكه‌ن.

ژلایێ خو ڤه‌ ئه‌و خێزانێن هه‌ژار و كێم ده‌رامه‌ت ئه‌وێن د چارچوڤێ به‌رنامێ هاریكاریێن لق 18 دا ل ده‌ڤه‌رێ د هه‌یڤا ره‌مه‌زانا پیروزدا هاریكاری و دیاری بو هاتینه‌ پێشكێشكرن دلخوشیا خو ب رێكخستنا ڤی به‌رنامێ رێك و پێك دیاركر كو پارتی دیموكراتی كوردستان سه‌لماندیه‌ هه‌رده‌م د گه‌ل ملله‌ت و خه‌لكێ خودا بوویه‌ و خو ل كێم و كاسیێن وان كریه‌ خودان و دگه‌ل ئێش و ئازارێن ته‌خ و چینێن جودا ژیایه‌ هه‌روه‌سا وان خێزانان سوپاسیا لقا18 یا پارتی دیموكراتی كوردستان و لیژنێن پارتی كر بو پێشكێشكرنا وان هاریكاریان.