لقێ ١٨ جەژنا چلەیا هاڤینێ ل ئێزدیان پیروزدکەت
دپەیامەکا پیروزباهیێ دا لقێ ١٨ ی پارتی دیموکراتی کوردستان جەژنا چلەیا هاڤینێ ل ئێزدیێن کوردستانێ و جیهانێ پیروزکریە و ئەڤا ل خارێ تەکستا وێ یە:
ب ناڤێ خودایێ مەزن و دلوڤان
بهەلکەفتا هاتنا جەژنا چلەیا ھاڤینێ یا خووشک و برایێن ئێزدی ، گەرمترین و جوانترین پیرۆزباھیان پێشکەشی تەڤایا کوردێن ئێزدی ل جیھانێ ب گشتی و کوردستانێ بتایبەتی دکەین.
ئەڤرو کوردێن ئێزدی وەک هەر پێکهاتەکێ دی یێ کوردستانێ ب ئازادی و لبن سیبەرا حکومەتا هەرێما کوردستانێ ب ئارامی و خێرو خوەشی ب ڤی چەژنێ شاد دبن و رێورەسمێن خو دگێرن ، هیڤیدارین بشێن ب هەمان رەنگ ل عیراقا فیدرال وجهێن دی ژی ب هەمان رەنگ ب جەژن و مافێن خو شاد بن.
ئومێدەوارین ئەڤ چەژنا چلەیا هاڤینێ یا برایێن ئێزدی و هەمی جەژنێن هەمی پێکهاتێن کوردستانێ ببنە فاکتەرک ژبو پتر خورتکرنا گیانێ لێبورینێ و پێکڤەژیانێ و پاراستنا رەوشا ئەڤرو یا کوردستانێ و دەسکەفتێن ب خوینا شەهیدان دابین بووین .
دووبارە جەژنا چلەیا ھاڤینێ ل هەمی خووشک و برایێن کوردێن ئێزدی پیروز بیت.
لقێ ١٨
پارتیا دەموکراتا کوردستانێ
٣٠/٧/٢٠١٣
