بەیانناما لقێ 18بهەلکەفتا سالڤەگەرا تاوانا ئه‌نفالكرنا بارزانیان
بهه‌لكه‌فتا بیره‌وه‌ریا سالڤه‌گه‌را ئه‌نفالكرنا (8000) هه‌شت هزار بارزانیان، سه‌رێ رێزو رومه‌تێ بو شه‌هیدێن ڤێ كاره‌ساتێ و سه‌رجه‌م شه‌هیدێن بزاڤا ئازادیخوازا گه‌لێ كوردستانێ دچه‌مینین و سلاڤان دهنێرین بو مالباتێن وان ئه‌وێن كه‌فتینه به‌ر كه‌رب و كینا بێ ره‌حمانه یا له‌شكه‌رێ رژێما گور به گورا (به‌عسییا).
به‌ری(30) سیهـ سالان ل سپێده‌هیا روژا(31/7/1983)ێ له‌شكه‌رێ رژێما(صدام)ی چار ده‌ورێن كومه‌لگه‌هێن (قوشته‌په، به‌حركێ، حه‌ریر و دیانا) دور پێچكرن و(8000)هاولاتیێن سڤیل و بێ گونه‌هـ دسه‌ر ژیێ (12) دوازده سالیێ دا ده‌سته سه‌ركرن و راپێچی بیابانێن عه‌ره‌بی ل ژێریا عیراقێ كرن و هه‌می بساخی ژناڤ برن و بن ئاخ كرن و نوكه‌ژی ده‌م بو ده‌می هه‌ستیكێن وان دگورستانێن بكوم دا دهێنه دیتن.
بێ گومان ئه‌ڤ تاوانه دهێته هژمارتن ئێك ژ مه‌زنترین تاوانێن درندانه ئه‌وێن ده‌رحه‌قێ گه‌لێ كوردستانێ هاتینه ئه‌نجام دان دچاخێ بوریدا، له‌وما دخازین تاوانبارێن ڤێ تاوانێ ژ دادگه‌هان قورتال نه‌بن و بگه‌هنه سزایێ خو یێ عادیلانه و كه‌س و كارێن قوربانیان ژی بهێنه قه‌ره‌بوو كرن .
لقێ 18
پارتی دیموکراتی کوردستان
30-7-2013
