بروسكا رێزگرتنێ
بهه‌لكه‌فتا بیره‌وه‌ریا سالڤه‌گه‌را ئه‌نفالكرنا (8000) هه‌شت هزار بارزانیان ، سه‌رێ رێزو رومه‌تێ بو شه‌هیدێن ڤێ كاره‌ساتێ و سه‌رجه‌م شه‌هیدێن بزاڤا ئازادیخوازا گه‌لێ كوردستانێ دچه‌مینین و سلاڤا دهنێرین بو مالباتێن وان ، ئه‌وێن كه‌فتینه به‌ر كه‌رب و كینا بێ ره‌حمانه یا له‌شكه‌رێ رژێما گور به گورا (به‌عسیا).
به‌رى(30) سیهـ سالان ل سپێده‌هیا روژا(31/7/1983)ێ له‌شكه‌رێ رژێما (صدام)ى چار ده‌ورێن كومه‌لگه‌هێن (قوشته‌په و به‌حركێ ، حه‌ریر و دیانا) دور پێچكرن و(8000)هاولاتیێن سڤیل و بێ گونه‌هـ دسه‌ر ژیێ(12)دوازده سالیێ دا ده‌سته سه‌ركرن و راپێچى بیابانێن عه‌ره‌بى ل ژێریا عیراقێ كرن و هه‌مى بساخى ژناڤ برن و بن ئاخ كرن و نوكه‌ژى ده‌م بو ده‌مى هه‌ستیكێن وان دگورستانێن بكوم دا دهێنه دیتن.
بێ گومان ئه‌ڤ تاوانه دهێته هژمارتن ئێك ژ مه‌زنترین تاوانێن درندانه ئه‌وێن ده‌رحه‌قێ گه‌لێ كوردستانێ هاتینه ئه‌نجام دان دچاخێ بوریدا ، له‌وما دخازین تاوانبارێن ڤێ تاوانێ ژ دادگه‌ها قورتال نه‌بن و بگه‌هنه سزایێن خو یێن عادیلانه و كه‌س و كارێن قوربانیان ژى بهێنه قه‌ره‌بوو كرن .
لقێ 18
پارتی دیموکراتی کوردستان
30/7/2013
