ل ئامێدیێ لقێ 18 هاریکاریا 40 خێزانێن هه‌ژار وکێم ده‌رامه‌ت دکه‌ت
ئامێدیێ-KDP.info/ فریق فاروق به‌رپرسێ لقێ ١٨ یێ پارتیا ده‌موكراتا كوردستانێ بیاوه‌ریا به‌رپرسێ لیژنا ناوچا ئامێدیێ هاریكاریێن لقێ ١٨ یێن مه‌ها ره‌مه‌زانێ لسه‌ر ده‌هان خێزانێن هه‌ژارو كێم ده‌رامه‌تێن سنورێ لیژنا ناوچا ئامێدیێ به‌لاڤكرن ل روژا دوشه‌مبی رێكه‌فتی ٢٩\٧\٢٠١٣ .
دچارچوفێ به‌رنامێ سالانه‌یێ لقێ ١٨ بو مه‌ها ره‌مه‌زانێ دا ئه‌وێ ژ لایێ كارگێریا لقێ ڤه هاتیه دارشتن بو ژ نێزیك راوه‌ستان سه‌ر ره‌وشا ژیانا خه‌لكێ ده‌فه‌رێ و زانینا ئێش و ئازارێن وان ودرێژكرنا ده‌ستێ هاریكاریێ بو خێزانێن هه‌ژارو كێم ده‌رامه‌ت و خودان نه‌ساخێن پێدفی ، شاندێ لقێ سه‌ره‌دانا ٤٠ خێزانان ل سه‌نته‌رێ باژێرێ ئامێدیێ وده‌وروبه‌ران (كانیا مالا ، ریباری ، كومه‌لگه‌ها كانێ ، سكه‌ی ، سه‌رگه‌لێ ، هه‌فندكا ، بریم زلا و پیروزانا)کر و هاریكارێن لقێ گه‌هاندنێ و به‌رهه‌فیا لقێ ده‌ربری بوهه‌ر كاره‌كێ دشیان ژ بو خزمه‌تا خه‌لكێ ده‌فه‌رێ.
ژلایێ خوڤه ئه‌ندامێن ڤان خێزانان که‌یفخوشیا خو ب ڤان سه‌ره‌دانان ده‌ربری و سوپاسیا لقێ 18 و به‌رپرسێ وێ کر بو درێژکرنا ده‌ستێ هاریکاریێ و پرسین ژ ره‌وشا ژیارا وان.
ژ هه‌ژی گوتنێ یه هه‌تا نها ب سه‌دان خێزانێن هه‌ژار و کێم ده‌رامه‌ت و خودان په‌ککه‌فتی و نه‌ساخ ل سنورێ لیژنێن چه‌مانکێ ، سه‌رسنکێ ، بامه‌رنێ ، ئامێدیێ ژ هاریکاریێن لقێ 18 مفارداربوینه د ره‌مه‌زانا ئه‌ف ساله‌دا و بریاره ل چه‌ند روژێن داهاتی به‌رپرسێ لقێ سه‌ره‌دانا سنورێ لیژنێن دێره‌لوک ، شێلادزێ ، سیریێ بکه‌ت بو هه‌مان بابه‌ت.
