سه‌ربه‌ست له‌زگین: ئه‌م ب ئه‌ركێ خوه‌ دزانین هایداری ره‌وشا ژیارا پێشمه‌رگه‌یان بین

زاخو-KDP.info/ ب مه‌ره‌ما هایداربوون ل سه‌ر ره‌وشا پێشمه‌رگێن په‌ككه‌فتی، ئه‌ڤرۆ سه‌ربه‌ست له‌زگین به‌رپرسێ لقێ 8ێ پارتی ب سه‌رپه‌رشتیا شانده‌كی سه‌را هژماره‌كا پێشمه‌رگێن په‌ككه‌فتی ل سنورێ لێژنا ناوچا سه‌رهلدان دا و په‌سنا رول و ماندیبوونا وان كر.

سه‌ربه‌ست له‌زگین به‌رپرسێ لقێ 8ێ پارتی دیموكراتی كوردستان ل زاخۆ دڤان د روینشتنان دا رول و ماندیبوونا پێشمه‌رگێن په‌ككه‌فتی دناڤ شوره‌شێ بلند هه‌لسه‌نگاندو دیار كر كو ئه‌ڤ ئازدیا ئه‌ڤرو ئه‌م تێدا ژ ئه‌نجامێ ره‌نج و خه‌باتا شه‌هید و پێشمه‌رگێن قه‌هره‌مان دزڤریت له‌ورا هه‌ر خزمه‌ته‌كا پێشكێشی پێشمه‌گان بكه‌ین ناگه‌هیته‌ وێ زه‌حمه‌تا وان دروژێن سه‌خت و دژواردا دیتی لێ ب خوشحالی ڤه‌ نهو ره‌وشا پێشمه‌رگان تا راده‌یه‌كی باش بوویه‌ و ئه‌م وه‌كو پارتی ب ئه‌ركێ خوه‌ دزانین هایداری ره‌وشا ژیارا پێشمه‌رگه‌یان بین و به‌رده‌وام سه‌را وان بده‌ین و هه‌ر دیسان گله‌ و گازندێن وان ل گوره‌ی شیانێن خو بگه‌هینینه‌ جهێن په‌یوه‌ندیدار و پشته‌ڤانیا لقێ 8 بو هه‌ر كاره‌كێ د به‌رژوه‌ندا پێشمه‌رگان دووپات كر.