ب چاڤدێریا سه‌ربه‌ست له‌زگین خۆله‌كا ب هێزكرنێ بۆ 700 قوتابیێن ئاماده‌یی هاته ڤه‌كرن
زاخو-KDP.info/ كوردستانێ ب چاڤدێری و پشته‌ڤانیا سه‌ربه‌ست له‌زگین به‌رپرسێ لقێ 8 پارتی دیموكراتی كوردستان ل زاخو خوله‌كا ب هێزكرنێ یا بابه‌تێن (بیركاری و فیزیا و كیمیا و ئینگلیزی و كوردی و عه‌ره‌بی ) بو پتر ژ (700) قوتابیێن پولا دوازدێ ئاماده‌یی ڤه‌كر.
سه‌ربه‌ست له‌زگین به‌رپرسێ لقێ 8ێ پارتی دیموكراتی كوردستان ئه‌ڤرۆ سه‌را خولا بهێزكرنێ دا و د په‌یڤه‌كێ بو قوتابیان دیار كر كو سیسته‌مێ خاندنێ ل كوردستانێ پێشڤه‌چوونه‌كا به‌رچاڤ بخو ڤه دیتیه و ئه‌ڤ چه‌نده ژی دزڤریت بو پویته‌دانا حكومه‌تا هه‌رێمێ ب كه‌رتێ په‌روه‌رده و فێركرنێ نه‌خاسمه دڤان سالێن دووماهیێ دا له‌ورا دڤێت قوتابی پتر خو زه‌حمه‌ت بده‌ن داكو بشێن نمرێن بلند ب ده‌ستڤه بینن و به‌رده‌وامیێ بده‌نه خاندنا خو.
د ته‌وه‌ره‌كێ دی یێ په‌یڤا خودا به‌رپرسێ لقێ گوت: مه‌ره‌م ژ ڤه‌كرنا ڤان خولان ئه‌وه كو ئاستێ قوتابیێن مه پێشڤه بچیت وقوتابی دماوێ بهێنڤه‌دانا هاڤینێ دا بشێوه‌كێ باش خو به‌رهه‌ڤ بكه‌ت بو ئه‌نجام انا ئه‌زمونان و بارسڤكیه‌ك بو قوتابیان په‌یدابیت نمرێن بلند دئه‌زموونێن دووماهیا سالێ دا ب ده‌ستڤه بینن و ده‌ست خوشی ل ماموستایێن خولێ و ئێكه‌تیا قوتابیان كر ژبو ماندیبوونا وان دڤی ماوه‌ی دا.
