بەرپرسێلقا 9 سه‌را ژمارەكاخێزانێن هه‌ژار و كێم ده‌رامه‌ت دكەت

ئاكرێ-KDP.info/دچارچوڤێ به‌رنامێ رێكخستی یێ لقێن پارتی دیموكراتی كوردستان بو هاریكاری كرنا خێزانێن هه‌ژار و كێم ده‌رامه‌ت د هه‌یڤا ره‌مه‌زانا پیروز دا ئه‌ڤرو شانده‌كێ لقێ نه‌هێ پارتی دیموكراتی كوردستان ل قه‌زا ئاكرێ ب سه‌رپه‌رشتیا سه‌ربه‌ست تروانشی به‌رپرسێ لقێ نه‌هێ پارتی سه‌را هژماره‌كا خێزانێن هه‌ژار و كێم ده‌رامه‌ت ل سنورێ ده‌ڤه‌رێن ئاكرێ و رزگاری دا و دیاری و هاریكاریێن لقێ نه‌هێ پارتی دیموكراتی كوردستان پێشكێشی وان خێزانێن كرن .

د ڤی بیاڤی دا سه‌ربه‌ست تروانشی به‌رپرسێ لقێ نه‌هێ پارتی به‌حسێ ڤی به‌رنامێ رێكخستی یێ لقێ نه‌هێ پارتی كر و دیاركر كو خزمه‌تكرنا ته‌خا هه‌ژار و ده‌ست كورت ئه‌ركێ كادرێن پارتی یه‌ و هه‌رده‌م پارتی خو بخزمه‌تكرن و هاریكاریكرنا ته‌خ و چینێن جودا یێن جڤاكی كریه‌ خودان
ژلایێ خو ڤه‌ ئه‌و خێزانێن هه‌ژار و كێم ده‌رامه‌ت ئه‌وێن د چارچوڤێ به‌رنامێ هاریكاریێن لقێ نه‌هێ پارتی د هه‌یڤا ره‌مه‌زانا پیروزدا هاریكاری و دیاری بو هاتینه‌ پێشكێشكرن دلخوشیا خو ب رێكخستنا ڤی به‌رنامێ رێك و پێك دیاركر هه‌روه‌سا وان خێزانان سوپاسیا لقێ نه‌هێ پارتی كر بو پێشكێشكرنا وان هاریكاریان.