به‌رپرسێ لقێ 17 یێ پارتی دگه‌ل ده‌زگه‌هێن میری ل ده‌ڤه‌رێ كومبوو

شنگال-KDP.info/ ب ئاماده‌بوونا به‌رپرسێ لقێ هه‌ڤده‌ یێ پارتی دیمۆكراتا كوردستانسه‌ربه‌ست بابیری و قایممقام و سه‌رۆكێ جڤاتا قه‌زا شنگال و به‌رپرسێن ئیداری و رێڤه‌به‌رێن هه‌ردوو باژێرڤانیێن ب سه‌ر حكومه‌تا هه‌رێما كوردستانێ و حكومه‌تا فیدرال ڤه‌ كومبوونه‌كا به‌رفره هاته‌ ئه‌نجامدان بۆ گه‌نگه‌شه‌كرنا ره‌وشا ده‌ڤه‌را شنگال ژ لایێ خزمه‌تگوزاریان و چاوانیا گه‌شه‌پێدانێ و پێشكێشكرنا خزمه‌تكاریێ بۆ وه‌لاتیێن ده‌ڤه‌رێ و ب تایبه‌ت پشتی كو بودجه‌یه‌كا تایبه‌ت ژ لایێ  نێچیرڤان بارزانی سه‌رۆكێ حكومه‌تا هه‌رێما كوردستانێ ڤه‌ ب كوژمێ چل ملیار دیناران هاتیه‌ ته‌رخانكرن بۆ ڤێ ده‌ڤه‌رێ. وه‌یسی نایف سه‌رۆكێ جڤاتا قه‌زا شنگال دیار كر كو پتر ژ سیه پرۆژێن خزمه‌تگوزاری پشتی جه‌ژنا ره‌مه‌زانا پیرۆز دێ كه‌ڤنه‌ دبیاڤێ بجهئینانێ دا كو بجهئینانا ڤان پرۆژان په‌یوه‌ندی ب ژیارا خه‌لكێ ده‌ڤه‌رێ ڤه‌هه‌یه‌ و چونكه‌ حه‌تا نوكه‌ حكومه‌تا فیدرال ئه‌ڤ ده‌ڤه‌ره‌ بێ خزكه‌تگوزاری هێلایه‌ و ژ به‌ر هندێ حكومه‌تا هه‌رێما كوردستانێ ب ئه‌ركێ خۆ دبینیت ل پێششكێِشكرنا خزمه‌تگوزاریان و دابین كرنا ره‌وشه‌كا ئارام بۆ هه‌می وه‌لاتیان.