فەریق فاروق هاریکاریێن لقێ 18 دگەهینیت هەژار و کێم دەرامەتێن دەڤەرا بامەرنێ
شاندەکێ لقێ ١٨ ی پارتی دیموکراتی کوردستان ب سەرپەرشتییا فه‌ریق فاروق بەرپرسێ لقێ روژا سێشەمبی رێکەفتی ٢٣/٧/٢٠١٣ هاریکارێین لقێ لسەر ٢٧ خێزانێن دڤەرا بامەرنی بەلاڤکرن.
بەرپرسێ لقێ ١٨ دگەلدا ماجد جەلکی بەرپرسێ لیژنا ناوچا بامەرنێ یا پارتی سەرا هژمارەكا خێزانێن هەژار وکێم دەرامەت و خودان نەساخ وپەککەفتیان دا و ژ نێزیک هایداری رەوشا ژین و ژیارا وگرفتێن وان بوون ، هاریکاریێن لقێ لسەر هاتنە بارڤەکرن .
سەرەدانێن شاندێ لقێ بونە جهێ خوشحالیا خێزانێن گوندین بابیرێ ، کەلا شخو ، بانکا ، وەرمێلێ ، غلبیشێ ، هەسن پیرکا ، شرتێ و زێوێ و پر ژدل سوپاسیا به‌رپرسێ لقێ کر.
ژلایێ خوڤە هێژا فه‌ریق فاروق بەرپرسێ لقێ گوت : لگورەی بەرنامێ هاتیە دارشتن بو هەیڤا رەمەزانێ ئەڤرو ئەم هاتینە دەڤەرا بامەرنێ و مە سەرەدانا چەندین خێزانێن هەژار کر ودیسان مە سەرەدانا چەند نەساخ و پەککەفتییان کر بو هندێ کو ئەم ژ نێزیک رەوشا وان ببینین و بشێین هاریکاریێن لقێ ١٨ بگەهینین وان ، ب راستی هەر جهەکێ ئەم چوینێ سوپاسیەکا گەرم ل مە هاتە کرن ئەم پر ژدل سوپاسیا وان هەمیان دکەین ، هیڤیا مە ئەوە هەرسال ئەم بشێین بەرنامەکێ ب ڤی رەنگێ جێبەجێ بکەین و خوشبەختانە هاندەر هەبوون و ئەم شیاین باشتر ژ پارسال ئەف سالەژی بەردەوامیێ بدەینە بەرنامێ خو ، پشتی ئەم هاتینە ناف خەلکێ خو مەدیت هێشتا خەلکەک یێ هەی پیتڤی ب ڤێ هاریکاریێ هەیە و دیسان پێویستی ب هندێ هەیە ئەم بچین سەرەدانا وان بکەین و ژ نێزیک سلاڤێن مەکتەبا سیاسی وجەنابێ سەروکی ژی بگەهینین خەلکێ خو ، براستی ژی خەلکێ مە هەر وەک ئەم دبینین دلسوزیا وان بو پارتی و سەروک بارزانی یا بێ سنورە و ئەڤەژی ب راستی جهێ سوپاسی و دلخوشیێ یە ، ئەو خەلک ژی هەمی ئەوە یێ دەربدەر بووین ل کەمپێن ئیرانێ و تورکیا یێ توشی ئێش و ئازاران بوین ژ لایێ رژێما گوربەگور ڤە ، براستی ئەم چ بکەین بو وان هەر کێمە ژبەر هندێ مە وەک لقێ ١٨ بریاردایە لگورەی شیانێن لبەر دەستێ مە هەر سال بەرنامەکی ب ڤی شێوەی ئەنجامبدەین چ ل رەمەزانێ بیت یان دەمەکێ دی بیت .
