به‌رپرسێ لقێ8 سه‌ره‌دانا هژماره‌كا خێزانێن شه‌هیدو پێشمه‌رگێن دێرین دكه‌ت
زاخو-KDP.info/ د به‌رده‌وامیا سه‌ره‌دان وچالاكیێن لقێ هه‌شت دا ئه‌ڤرو به‌رپرسێ لقێ هه‌شتێ پارتی سه‌ربه‌ست له‌زگین سه‌ره‌دانا هژماره‌كا خێزانێن سه‌ربلندێن شه‌هیدان وپێشمه‌رگێن هه‌ردوو شوره‌شان لسنورێ لیژنا زاخو یا پارتی كر..
دسه‌ره‌دانێن خودا به‌رپرسێ لقێ ژبلی پێشكێشكرنا پیروزباهیان ب هه‌لكه‌فتا هه‌یڤا ره‌مه‌زانا پیروز دیاركرن كو مه‌ره‌م ژڤان سه‌ره‌دانا گرنگی دان وژنێزیك ئاگه‌هدار بوو نه لسه‌ر ره‌وش وژیانا ڤان خێزانا كو وه‌كی ئه‌ركه‌كێ پارتایه‌تی ونیشتمانی یه و دیاركر كو پێدڤییه هه‌می ده‌ما گوهداریا ڤان خێزانان بهێته كرن،چونكه ئازادی وبده‌ست ڤه هاتنا ده‌ستكه‌فتێن ئه‌ڤرو به‌رهه‌مێ قوربانی دان وخه‌باتا وان وخه‌لكێ كوردستانێ یه.ژلایه‌كێ دیتر ڤە به‌رپرسێ لقێ هه‌شت به‌رهه‌ڤیا لقێ هه‌شتێ پارتی بو هه‌ر پشته‌ڤانی وهاریكاریه‌كا پێدڤی بو وان خێزانێن دیاركر.
وژلایێ خو ڤه خێزانێن سه‌ره‌دانا وان هاتیه كرن خوشحالیا خو بڤێ چه‌ندێ دیاركرن ودووپاتكرن كودێ هه‌ر مینن وه‌فادارێن رێبازا پارتی وبارزانیێ نه‌مر وب قوربانی وخه‌باتا خو سه‌ر بلند دبینن دناڤ ملله‌تێ خو دا.
