هاریکاریێن لقێ 18 لسەر هەژارێن سەرسنکی هاتن بەلاڤکرن
د بەردەوامیا بەرنامێ لقێ (18)ی پارتی دیموکراتی کوردستان یێ مه‌ها ره‌مه‌زانێ بو سه‌ره‌دانا خەلکێ سنورێ لقێ بو ژ نێزیک هایداربون دور ره‌وشا ژیارا وان و هاریکاریا خێزانێن هه‌ژار وکێم ده‌رامه‌ت (فه‌ریق فاروق) بەرپرسێ لقێ روژا دووشەمبی رێکەفتی ٢٢/٧/٢٠١٣ ل سەرسنکێ سەرەدانا هژمارەکا خێزانان کر وهاریكاریێن مادی لسەر بەلاڤكرن.
بەرپرسێ لقێ هه‌ژده (فه‌ریق فاروق) دگەلدا عگید شفیق بەرپرسێ لیژنا ناوچا سەرسنک یا پارتی سەرا هژمارەكا خێزانێن سنورێ لیژنا (سەرسنکێ) یا پارتی و ئاکنجیێن سەنتەرێ ناحیا سەرسنکێ دا و هاریکاریێن لقێ پێشکێشی وان کرن، و ئەڤ سەرەدانە بونە جهێ خوشحالیا ڤان خێزانان و ب کاره‌کێ مروڤایه‌تی و جوامێرانه لقەلەمدا و سوپاسیا به‌رپرسێ لقێ کر و دوپاتکر کو ڤێ سەرەدانێ رامان و سەنگەکا مەزن لدەف وان هەیە.
ژلایێ خوڤە هێژا(فه‌ریق فاروق) بەرپرسێ لقێ د هەڤپەیڤینێن خودا دگەل ئەندامێن ڤان خێزانان، سەرەدانێن خێزانێن سنورێ لقێ ب ئەرکەکی مروڤایەتی وجڤاکی و پارتایەتی زانی و هیڤیێن خوشی و سەرکەفتنان بو هەمیان خواستن و بەرهەڤیا خو دەربری بو هەر کارەکێ دشیاندا .
