بەرپرسێ لقێ 8 دهه‌یڤا ره‌مه‌زانێ دا سه‌ره‌دانا هژماره‌كا خێزانان دكه‌ت
زاخو/ ب هه‌لكه‌فتا هه‌یڤا ره‌مه‌زانا پیروزلقێ 8 پارتی دیموكراتی كوردستان ل زاخو ل دیف به‌رنامێ سالانه كو ژلایێ كارگێریا لقێ ب هه‌ماهه‌نگی دگه‌ل لێژنێن نافخویی ڤه هاتیه دارشتن سه‌ربه‌ست له‌زگین به‌رپرسێ لقێ 8 پارتی ل زاخوب سه‌رپه‌رشتیا شانده‌كی سه‌را هژماره‌كا خێزانێن ئاكنجی دقه‌لعا دوازده ملانێ ل سنورێ ل.ن. گولان دا و ژنێزیك ئاگه‌هدار بوو ل سه‌ر چه‌وانیا برێڤه‌چوونا ژیارا وان.
دڤان سه‌ره‌دانادا به‌رپرسێ لقێ هه‌یڤا ره‌مه‌زانێ ل خێزانێن ناڤبری پیروز كر و دیار كر ئه‌ڤ هه‌یڤه گه‌له‌كا ب خێر و بهایه و گرنگی یه‌كا تایبه‌ت ل ده‌ف مه هه‌یه و هیڤیا مه ئه‌وه بیته هه‌یڤا خێر و خوشی و به‌ره‌كه‌تێ دناڤ ملله‌تێ مه دا و ئه‌م ب فه‌ر دبینین دڤێ هه‌یڤێ دا پتر بچینه دناڤ خه‌لكێ خو دا داكو ژنێزیك ئاگه‌هدار بین ل سه‌ر كێم و كاسیێن وانو ڤێ چه‌ندێ ژی ئه‌م ب ئه‌ركێ خو دزانین.
دته‌وه‌ره‌كێ دی دا به‌رپرسێ لقێ گوهداریا وان خێزانان كر و چه‌وانیا ب رێڤه‌چوونا ژین و ژیارا وان یا روژانه و ئه‌و گرفتێن دكه‌ڤنه درێیا وان دا و دڤی بیاڤی به‌رپرسێ لقێ دووپات كر كو دێ كێشه‌یێن وان گه‌هینه جهێن په‌یوه‌ندیدار و دا لدیف شیانان چاره‌سه‌ر بكه‌ن.
