به‌رپرسێ لقێ 18 سه‌ره‌دان و هاریکاریا هژماره‌کا خێزانان دکه‌ت
ل دویف بەرنامێ لقێ 18 ی پارتی دیموکراتی کوردستان یێ تایبه‌ت ب مه‌ها ره‌مه‌زانێ ڤه ، دور سه‌ره‌دانا ئاکنجیێن سنورێ لقێ 18 بو ژ نێزیک هایداربون دور ره‌وشا ژیارا خه‌لکی و سه‌ره‌دانا نه‌ساخان و درێژکرنا ده‌ستێ هاریکاریێ بو خێزانێن هه‌ژار وکێم ده‌رامه‌ت هێژا فه‌ریق فاروق بەرپرسێ لقێ هه‌ژده وه‌ک ئێکه‌م سه‌ره‌دان سەرا ژمارەكا خێزانێن سنورێ لیژنا چه‌مانکێ یا پارتی دا و چەندین هاریكاریێن مادی ل سەر هژماره‌کا خێزانان بەلاڤكرن.
ل ده‌ستپێکێ به‌رپرسێ لقێ کومبونه‌ک دگه‌ل کادرێن لیژنا ناوچا چه‌مانکێ سازکر و په‌یاما رێزدار سه‌روکێ هه‌رێمێ و کارڤه‌دانێن وێ ته‌وه‌رێ سه‌ره‌کی یێ ڤێ کومبونێ بوو ، زێده‌باری ره‌وشا ئه‌ڤرو یا عیراقێ بگشتی و کوردستانێ بتایبه‌تی.
ل دویڤدا به‌رپرسێ لقێ دگه‌لدا به‌رپرسێ میحوه‌ری و به‌رپرسێ لیژنا چه‌مانکێ سه‌ره‌دانا ده‌هان خێزانان کر و هاریکاریێن لقێ پێشکێشی وان کرن ، ڤان خێزانان خوشحالیا خو بو ڤان سه‌ره‌دانان ده‌ربری و ب کاره‌کێ مروڤایه‌تی و جوامێرانه نیاسی و سوپاسیا به‌رپرسێ لقێ کر بو ڤی هه‌لویستێ جوان و هیڤیێن سه‌رکه‌فتنا به‌رده‌وام بو خاستن.
ژلایێ خوڤەهێژا فه‌ریق فاروق بەرپرسێ لقێ گوت خزمه‌تا خه‌لکی ئه‌رکه‌که ل سه‌ر ملێن مه و هاریکاریا خێزانێن هه‌ژار و کێم ده‌رامه‌ت کاره‌کێ هه‌ری پیروزه و پێتڤییه ل سه‌ر هه‌میان ئه‌نجامبده‌ن له‌وما مه وه‌ک لقا 18 سالانه ئه‌ڤ کاره ئه‌نجامدایه و خوشبه‌ختانه ئه‌م شیاین ئه‌ڤ ساله‌ژی درێژیێ پێ بده‌ین و ب ئه‌نه‌هیا خودێ دێ سه‌ره‌دانا هه‌می لیژنێن سنورێ لقێ 18 که‌ین ژبو پیروزکرنا مه‌ها ره‌مه‌زانێ ل وه‌لاتیان ، یا دشیاندا بو خه‌لکێ خو دێ که‌ین ژبه‌رکو ئه‌و ب راستی دهه‌ژی نه و چه‌ند ئه‌م سه‌ره‌دانێن وان بکه‌ین هه‌ر کێمه و ئاینێ مه یێ پیروز دوپاتی ل سه‌ر په‌یوه‌ندیێن جڤاکی و سه‌ره‌دانا نه‌ساخان و هاریکاریا که‌س وخێزانێن پێتڤی کریه و هه‌رده‌م پارتی دوپاتی لسه‌ر خورتکرنا په‌یوه‌ندییان دگه‌ل خه‌لکێ خو کریه ژبه‌رکو پارتی ژڤی خه‌لکی یه و بو خزمه‌تا وانه ، دڤان سه‌ره‌دانان دا ئه‌م پتر هایداری چه‌وانیا برێڤه‌چوونا ژیارا وان و گرفتێن وان دبین و یا ژ مه بهێت بێ گومان ئه‌م کێم خه‌میێ ناکه‌ین.
