په‌یاما لقێ 18 بهه‌لکه‌فتا 25 سالیادا داستانا خواکورکی
بهه‌لكه‌فتا بیره‌وه‌ریا 25 سالیادا داستانا خواکورکی گه‌رمترین پیروزباهیا ئاراسته‌ی سه‌رجه‌م خه‌لكێ كوردستانێ و مالباتێن شه‌هیدان و پێشمه‌رگێن قه‌هره‌مان دكه‌ین و سه‌رێ رێزو رومه‌تێ بو شه‌هیدین ڤێ داستانێ و سه‌رجه‌م شه‌هیدێن كوردستانێ دچه‌مینین .
لرێكه‌فتی 19/7/1988 له‌شكه‌رێ رژێما گوربه گورا صه‌‌دام ی هێرشه‌كا مه‌زن و به‌رفره‌هـ كره سه‌ر ده‌ڤه‌را ئازادكری ل خوا كوركێ ب مه‌ره‌ما دیماهیك ئینانا شوره‌شا گه‌لێ مه ب به‌شداریا زێده‌تر ژ پازده لیوایێن له‌شكه‌ری وب پالشتیا توبخانه و فروكێن چه‌نكی و بكار ئینانا چه‌كێ كیمیاوی ئه‌ڤ هێرشه هاته كرن، لێ به‌رامبه‌ر ڤی چه‌كی و هێزا مه‌زن پێشمه‌رگێن له‌شكه‌رێ شورشگێرێ كوردستانێ ب سه‌ركردایه‌تیا راسته‌وخو یا سه‌روك مسعود بارزانی روی ب روی له‌شكه‌رێ به‌عسیا بوون و دشه‌ره‌كێ جه‌پهه‌یێ 46 روژی وكێم وێنه‌دا شیان دربێن مه‌زن داوه‌شیننه دوژمنی و بته‌مامی هێزا هێرشكار شكاندن و له‌شكه‌رێ عیراقێ ب سه‌دان لاشێن سه‌ربازو ئه‌فسه‌رێن خو ل مه‌یدانا شه‌ری ب جهـ هێلان.
داستانا بناڤ و ده‌نگا خواکورکی لرویێ سیاسی و ستراتیجی ڤه ده‌ستكه‌فته‌كێ مێژوویێ مه‌زن بوو و لرویێ سه‌ربازی ڤه ئیرادا پولایی یا پێشمه‌رگه‌ی و جه‌ماوه‌رێ كوردستانێ و نمونێ فیداكاری و خوراگری و سه‌ر‌به‌رزییا خه‌لكێ كوردستانێ بوو.
ژهه‌ژیه پێشبینیا سه‌روك بارزانی ل وی ده‌می لبه‌روكێن شه‌ری دا ل بیربینین ده‌می دپه‌یڤه‌كا مێژوویدا بو هێزێن پێشمه‌رگه‌ی دبێژیت . دماوه‌یه‌كێ نێزیك دا ل عیراقێ بارودوخ بگشتی دێ هێته گهورین، یان ژی دوژمن دێ نه‌چاربیت به‌رامبه به‌رگریا پێشمه‌رگه‌ی بخودا بچیته‌ڤه.
له‌وما ژ ئه‌نجامێ مه‌غروریا رژێما به‌عس و سیاسه‌تا وان یا خرابكارانه گه‌له‌ك نه‌ڤه‌كێشا، خێرو خوشی بسه‌ر گه‌لێ مه‌دا هاتن و جه‌ماوه‌رێ كوردستانێ ل بهارا سالا 1991ێ سه‌رهلدا و په‌رله‌مان و حكومه‌تا هه‌رێما كوردستانێ دامه‌زراندن.
هیڤیا مه ئه‌وه ئه‌ڤ هه‌لكه‌فته ببیته هانده‌ره‌ك ژبو پتر خرڤه‌بوونا خه‌لكێ كوردستانێ لده‌ورێن ریبازا پیروزا پارتی و بارزانی پێخه‌مه‌ت پاراستنا هه‌می ده‌ستكه‌فتێن گه‌لێ مه.
دووباره ئه‌ڤ هه‌لكه‌فته ل هه‌می گه‌لێ كوردستانێ پیروزبیت .
لقێ 18 ی
پارتی دیموکراتی کوردستان
18/7/2013
