بەرپرسێ لقێ 8 سەرا قوتابیێ سەركەفتیێ ئێكی لپولا نەهێ كر

زاخو-KDP.info/ سه‌ركه‌فتیێ ئێكێ یێ پولا نه‌هێ بنه‌ره‌تی ل سه‌ر ئاستێ هه‌رێما كوردستانێ قوتابی (محه‌مه‌د سامی نه‌جم )ب كومكرنا تێكرایێ (99،57) نمره‌ بو سالا خاندنێ 2012-2013 و (سه‌ربه‌ست له‌زگین) به‌رپرسێ لقێ 8 پارتی دیموكراتی كوردستان ب سه‌رپه‌رشتیا شانده‌كێ لقێ سه‌را مالا قوتابیێ ناڤبری دا و خه‌لاته‌كێ رێزگرتنێ پێشكێشی ناڤبری كر.
دسه‌ره‌دانێ دا سه‌ربه‌ست له‌زگین خوشحالیا خو هه‌مبه‌ر ڤێ سه‌ركه‌فتنێ ده‌ربری و پیروزباهیێن گه‌رم ئاراسته‌ی قوتابی محه‌مه‌د سامی كر و ئه‌ڤ چه‌نده‌ ڤه‌گه‌راند بو زه‌حمه‌ت و ماندیبوونا ناڤبری سه‌ر خاندنێ و ده‌ست خوشی ل ماموستا و خێزانا قوتابی كرن كو پالده‌رێن سه‌ره‌كی بوون بو ڤێ سه‌ركه‌فتنێ و دیار كر كو ئه‌ڤ سه‌ركه‌فتنه‌ جهێ شانازیێ یه‌ بو هه‌می خه‌لكێ زاخوكا ده‌لال و هیڤی خواستن كو ناڤبری یێ به‌رده‌وام بیت ل سه‌ر خاندنا خو داكو بشێت ل پاشه‌روژێ برێیا زانستێ خو خزمه‌تا گه‌ل و وه‌لاتێ خو بكه‌ت.
ژلایێ خوڤه‌ قوتابی محه‌مه‌د سامی و سه‌میانێ وی سوپاسیا لقێ 8 كر بو ڤی خه‌لاتی و دیار كر دێ هه‌می بزاڤا كه‌ت كو به‌رده‌وامیێ ب ڤی ئاستێ خو یێ خواندنێ بده‌ت داكو بشێت ل ئاینده‌ی خزمه‌ته‌كێ پێشكێش بكه‌ت.