لقێ ئێك سەرەدانا ژمارەكا خێزانێن هەژار كر
بەردەوامی دان ب بەرنامێ سالانە یی رەمەزنا پیروز ئەوێ ژ لایێ كارگێریا لقێ ئێكێ پارتی دیموكراتی كوردستان ڤە د هێتە دانان ژبو نێزیك ئاگەهدار بوون ل سەر ژین و ژیارا خەلكێ دەڤەرێ ل سنورێ لژنێن ناوچێن سەر ب لقێ ئێك ڤە ب رێكا سەرەدانا ئەڤرو سپێدێ ل روژا ئێك شەمبی رێكەفتی(14/7/2013) بەرێز(عبدالخالق بابیری) ئەندامێ ئەنجومەنێ سەركردایەتیا پارتی دیموكراتی كوردستان و بەرپرسێ لقێ ئێكێ پارتی دگەل دا هەردوو بەرپرسێن لژنێن ناوچێن (سەرهلدان و دهوك) سەرا ژمارەكا خێزانێن هەژار و كێم دەرامەت كر ل سنورێ هەردوو لژنێن ناڤبری.
دڤان سەرەدانان دا و پشتی پیروزكرنا هەیڤا رەمەزانێ بەرپرسێ لقێ دا دیاركرن كو ئەڤ جورە سەرەدانە ئەركەكێ سالانە یە ل سەر ملێت لقێ ئێك و هەر دەزگایەكێ پارتی ل دەڤەرێ و نەخاسمە د هەیڤا رەمەزانا پیروزدا و دیار كر كو ڤان سەرەدانا گرنگیەكا مەزن هەیە ژبو نێزیك ئاگەهداربون ل سەر ژیانا خەلكێ سنورێ لقێ ئێك و ب تاییبەتی خێزانێن هەژارو دەست كورت.
وژلایێ خوڤە خێزانێن ناڤبری سوپاسیا بەرێز بەرپرسێ لقێ ئێك كر ژبو ڤان سەرەدانا و ل دوماهیێ ژی(عبدالخالق بابیری)ئامادەیی و پشتەڤانیا خو دا دیاركرن بو هەر كارەك و هاریكاریەكا پێتڤی.
