لقێ هه‌شت داخازێ ژ حكومه‌تێ و سه‌رمایه‌داران دكه‌ت ره‌وشا ژیارا خه‌لكى د ره‌مه‌زانێ دا ل به‌رچاڤ وه‌رگرن
زاخۆ-KDP.info/ لقێ 8ێ پارتى دیموكراتى كوردستان د په‌یامه‌كى دا هاتنامه‌ها ره‌مه‌زانێ ل هه‌موو موسلمانێن جیهان و كوردستانێ و ب تایبه‌ت یێن باژێرێ زاخۆ پیرۆز دكه‌ت و داخازێ ژ حكومه‌تێ و سه‌رمایه‌دارێن كوردستانێ دكه‌ت ره‌وشا ژیارا خه‌لكى ل به‌رچاڤ وه‌رگرن و ئه‌ڤا ل خوارێ ده‌قێ په‌یامێ یه:-
بسم الله الرحمن الرحیم
(شهر رمضان الذی انزل فیه القرآن هدى للناس و بینات من الهدى و الفرقان)
- صدق الله العظیم-
ب هه‌لكه‌فتا هاتنا مه‌ها ره‌مه‌زانا پیرۆز، پیرۆزباهیێن گه‌رم ئاراسته‌ى هه‌موو موسلمانێن جیهانێ و كوردستانا خۆشتڤى و ب تایبه‌ت یێن باژێرێ زاخۆ دكه‌ین.
ره‌مه‌زان، وه‌كو مه‌هه‌كا پیرۆز، كو ئه‌م هه‌موو ب ژڤانێ هاتنا وێ بووین، تێدا هه‌موو ده‌رگه‌هێن خێرێ دهێنه ڤه‌كرن، له‌ورا ئه‌م ب هیڤی نه، ئه‌ڤ مه‌هه یا به‌ره‌كه‌ت و ئاشتى و پێكڤه‌ژیانێ یه و هه‌مى ملله‌تێ مه، بێ جوداهى، خوشیێ د ڤێ مه‌هێ دا بورینت و ئێدى ببیته ئه‌گه‌ره‌ك كو ئه‌و كه‌رب و كینا دناڤ دلێ مرۆڤان دا هه‌ى نه‌مینیت و هه‌مى پارتێن سیاسى نه‌رماتى و ئێكدوو قه‌بولكرنێ بكه‌نه درۆشمێ خوه یێ سه‌ره‌كى بۆ خوه‌شتركرنا ره‌وشا ته‌ناهى و ده‌ربازبوونا هه‌رێمێ ژ قوناغێن بهێت یێن سیاسى و ئابورى و جڤاكى و ...هتد.
زێده‌بارى كو حكومه‌ت و ده‌وله‌مه‌ندێن وه‌لاتێ مه و پارتیا مه ده‌رگه‌هێ هه‌ڤكاریكرنێ ل ل خه‌لكێ مه یێ دلسوز ڤه‌دكه‌ت، ئه‌م داخازێ ژ حكومه‌تێ و سه‌رمایه‌دارێن خوه دكه‌ین ره‌وشا ژیارا خه‌لكى د ڤێ مه‌هێ دا ل به‌رچاڤ وه‌رگرن و بلا هاریكاریكرن د بازارێ كرین و فرۆتنێ دا هه‌بیت و جهێن شوله‌ژێ چاڤدێرییه‌كا باش ژ ئالیێ بوهایێ كه‌لوپه‌ل و ساخله‌میێ ڤه ل بازارى بكه‌ن بۆ هندێ خه‌لكێ مه یێ خوشتڤى زه‌ره‌رمه‌ند نه‌بن.دووباره ره‌مه‌زانا هه‌وه پیرۆز بیت و خۆدێ رۆژى و نڤێژێن هه‌وه هه‌موویان قه‌بول بكه‌ت.
پارتى دیموكراتى كوردستان
لقێ هه‌شت
نڤێسینگه‌ها ره‌وشه‌نبیرى و راگه‌هاندنێ
9ى ته‌مموزا 2013
