لقا ئێك به‌شدارى ئاهه‌نگا هه‌ڤنیاسینا فاكولتیا ئه‌ندازیارى دبیت
دهوك- KDP.info/ ئیرو ل فاكولتیا ئه‌ندازیارى و زانستێن كاره‌كى ل دهوكێ عبدولخالق بابیرى به‌رپرسێ لقا ئێك و شانده‌كێ دگه‌ل دا به‌رهه‌ڤى ئاهه‌نگا هه‌ڤنیاسینا فاكولتیا ئه‌ندازیارى یا سلانه بو.
ل ده‌سپێكێ پروفیسور نزار نعمان سه‌روكێ فاكولتیێ په‌یڤا راگریێ پێشكێشى و بناڤێ هه‌مویا راگریێ بخیرهاتنا مێهڤان و قوتابیان كر بو پشكداریا وان د ڤێ كه‌یف خوشیێ دا گوت:ئارمانجا مه یا سه‌ره‌كى ئه‌وه خو پێ بگه‌هینین و ئاڤا بكه‌ین و وه‌لات ب زانستى پێش دكه‌ڤیت و كوردستانێ پێتڤى ب هه‌وه هه‌یه و دڤێت مروڤ پلانان بو پێش ئێخستنان بدانیت و خودان هزرێن به‌هره‌مه‌ندبیت و هزر دهه‌ڤركیا پێشكه‌فتنا كوردستانێ دگه‌ل یێن جیهانێ دا بكه‌ت چونكو هیچ شیانه‌كا وان ژیامه زورتر نینه به‌لێ بتنێ دلسوزى بو وه‌لاتى پێشڤه‌چونێ دئێخیته دملله‌تیدا.
هه‌روه‌سان بابیرى ئاماژه دا خه‌مخوریا راگر و ماموستایان ژ بو پێگه‌هاندنا قوتابیان ژ رویێ ئه‌كادمى ڤه و ب دلسوز كارێ خو ئه‌دا دكه‌ن و رولێ وان ب بها ل قه‌له‌م دا و داخازكر هه‌ر د به‌رده‌وام بن و وه‌رارى بێخته لسه‌ر كارێ خو وگوت:لسه‌ر ملێ هه‌ر كه‌سه‌كى یه به‌ره‌ڤانبیت ژ خاكا خو و وبارێ ب سه‌نگ یێ لسه‌ر ملێ قوتابیان ئه‌وژى ب ده‌ستڤه‌ئینانا باوه‌رناما و خو پێگه‌هاندن ژ رویێ زانستى ڤه و خوئاڤاكرن لسه‌ر زانستێن سه‌رده‌م و ل ڤى ده‌مى ژى مه هیچ كێشه‌یه‌ك نینه چونكو هه‌مو ده‌رگه‌ه ل هه‌مبه‌رى هه‌وه دڤه‌كرینه و ب كه‌سانێن وه‌كى هه‌وه دێ به‌رامبه‌رى دوژمنێن ملله‌تێ كورد شێن به‌راڤانیێ ژ هه‌مو مافان كه‌ین چونكو زانست دڤێ قوناغێ دا مه‌زنترین چه‌كه بو به‌رسینگرتنێ و بدیتنا من ئه‌گه‌ر ئه‌م هه‌مو دهاریكاربین، ئاڤاكرنا ده‌وله‌تا كوردى د ئاینده‌كێ نێزیك دێ جێ به‌جێبیت و ئه‌ڤه ژى سه‌رفه‌رازیه‌كا مه‌زنه بومه و به‌رده‌وامى دانه ب رێبازا بارزانى و قاره‌مانێن كوردستانێ.
