لقێ 8ێ پارتی ئاهه‌نگه‌كا پێشوازیكرنێ بۆ ستاف و قوتابیێن په‌یمانگه‌ها كادران دگێریت
زاخو- تایبەت ب KDP.info/ستاف و قوتابیێن خولا 18ێ یا ئه‌كادیمیا كادرێن پارتی ژ ئالیێ لقێ 8ێ پارتی دیموكراتی كوردستان ڤه ل زاخۆ هاتنه پێشوازیكرن و ل هاپی پارك ئاهه‌نگه‌كا تایبه‌ت بۆ وان گێرا.
سه‌ربه‌ست له‌زگین به‌رپرسێ لقێ 8ێ پارتی د په‌یڤه‌كێ دا خوشحالیا خۆ بۆ ڤێ سه‌ره‌دانێ ده‌ربری و دیار كر كو ڤان جوره گه‌شتا گرنگی یه‌كا زۆر هه‌یه هه‌م بۆ دیتنا شینوارێن دیرۆكی یێن كوردستانێ و هه‌م بۆ هه‌ڤنیاسین و خورتكرنا په‌یوه‌ندیان دناڤبه‌را كادرێن پارتی دا ل هه‌می ده‌ڤه‌را.
د ته‌وه‌ره‌كێ دی یێ په‌یڤا خۆ دا به‌رپرسێ لقێ كورتیه‌ك دایه سه‌ر مێژوویا ده‌ڤه‌را زاخۆ و ره‌وشا وێ ژلایێ سیاسی و ئابوری و پێكهاتێن جڤاكی و ئاینی ل ده‌ڤه‌رێ دژیت و دیار كر كو زاخۆ خودان مێژوویه‌كا پری خه‌بات و قوربانی یه و خه‌لكێ ڤێ ده‌ڤه‌رێ ژ دلسوزی و وه‌فداریا خۆ هه‌رده‌م د قادا خه‌بات و تێكوشینێ دا بوون و ده‌ڤه‌را زاخۆ هه‌می ده‌مان گرنگی یه‌كا زۆر هه‌بوویه چونكی جهه‌كێ ستراتیژییه و دكه‌ڤیته دناڤبه‌را سێ وه‌لاتان و ڤێ چه‌ندێ كارتێكرنه‌كا مه‌زن ل سه‌ر زاخۆ كریه.
قادر قه‌چاغ به‌رپرسێ ئه‌كادیمیا كادران سوپاسیا لقێ 8ێ پارتی كر بۆ ڤێ پێشوازیا گه‌رم و مه‌ره‌م و به‌رنامێ ڤێ گه‌شتێ دا دیار كرن و ژڤان ئه‌وه قوتابیێن خولا (18) سه‌را هه‌می ده‌ڤه‌رێن كوردستانێ بكه‌ن.
ل دیڤدا لقێ هه‌شت نانخوارنا نیڤرۆ بۆ قوتابیێن خولێ ل هاپی پارك رێكخست و د ئاهه‌نگه‌كا بچویك دا هونه‌رمه‌ندان (رێكێش سه‌یرانی و ئیسلام زاخۆیی) ب ده‌نگێ خۆ یێ زه‌لال چه‌ندین ستران پێشكێشی ئاماده‌بوویان كرن
