لقێ ئێكێ پارتی بارەگایێ نوی یێ لژنا ناوچا كوماتە ڤەكر
ئەڤرو سپێدێ ل روژا پێنچ شەمبی رێكەفتی(4/7/2013)ژبوو پتر بهێزكرن و باشتركرنا رێكخستنێن پارتی دیوكراتی كوردستان ل سنورێ لقێ ئێكێ پارتی وب ئامادەبونا بەرێز(عبدالخالق بابیری)ئەندامێ ئەنجوومەنێ سەركردایەتیا پارتی دیموكراتی كوردستان و بەرپرسێ لقێ ئێكێ پارتی و ب ئامادەبونا ژمارەكا كادرێن پارتی ل دهوكێ و ژمارەكا كەسایەتی و ماقویلێن دەڤەرێ ل تاخێ نزاری لژنا ناوچا(كوماتە)یا پارتی هاتە دانان و ڤەكرن د ئاڤاهیێ لژنا ناوچا ئاشتی یا پارتی ڤە و(عەلی خلیل بێتكاری)وەكو بەرپرسێ نوی یێ لژنا ناڤبری هاتە دانان.
دپەیڤەكێ دا و بشتی دەقیقەكێ رێزگرتن راوەستیان ل سەر گیانێ پاكێ شەهیدان بەرێز (عبدالخالق بابیری) پیروزباهی ل سنورێ نویێ لژنا ناوچا كوماتە كر ب هەلكەفتا دانانا لژنا ناڤبری ژبو خزمەتكرنا وان و خورتكرنا رێكخستنێن پارتی ل ڤی سنوری و هەروەسان بەرێزی دا دیاركرن كو لژنێن ناوچێن پارتی دڤێت رولێ خو بگێرن د خزمەتكرنا خەلكی دا و ژ نێزیك ئاگەهدار بن ل سەر رەوش و ژین ژیارا خەلكی و ئاگەهدار بون ل سەر گلە و گازندێن هاولاتیان ل سنورێ هەر لژنەكا پارتی.
هەروەسان بەرپرسێ لقێ دیاركر كو دڤێت لژنا ناوچێ ببیتە پرەك دناڤبەرا لقێ ئێك و خەلكێ دەڤەرێ دا ل دیف چارچوڤێ سنورێ خو.
ژبو نێزیك ئاگەهداربون ل سەر رەوش و ژین و ژیارا پێشمەرگێن دێرینێن هەردوو شورەشێن ئەیلول و گولانێ و كادرێن پارتی و ل دیف بەرنامێ بەردەوامێ لقێ ئێك ئەڤرو ل روژا پێنچ شەمبی رێكەفتی(4/7/2013) بەرێز(عبدالخالق بابیری)ئەندامێ ئەنجوومەنێ سەركردایەتیا پارتی دیموكراتی كوردستان و بەرپرسێ لقێ ئێكێ پارتی ب سەروكاتیا شاندەكێ لقێ ئێك سەرا پێشمەرگێ دێرینێ هەردوو شورەشێن ئەیلول و گولانێ (خەلیل شوكری نێروەیی) دا و ژ نێزیك ئاگەهداربو ل سەر رەوشا ساخلەمیا پێشمەرگێ ناڤبری و هیڤیا ساخی و سەلامەتیێ بو خاست و رولێ پێشمەرگێ ناڤبری د سەنگەرێ خەبات و بەرخودانێ دا ب بلندی و چاف نەترسی ل قەلەم دا نەخاسمە دروژێن سەخت و دژوار دا وهەروەسان بەرپرسێ لقێ هاریكاری و پشتەڤانیا خو بو هەر كارەكێ پێتڤی دا دیاركرن و ژلایێ خوڤە(خەلیل شوكری نێروەیی)سوپاسیا بەرپرسێ لقێ ئێك كر ژبو ڤێ سەرەدانێ.
هەر ئەڤرو و بەردەوامی دان ب سەرەدانان(عبدالخالق بابیری)بەرپرسێ لقێ ئێك ب سەروكاتیا شاندەكێ لقێ سەرا مالا(مەحموود محەمەد بەرجەس) كارگێرێ لژنا ناوچا سێمێلێ كر كو كادرێ ناڤبری بەری دەمەكی توشی رویدانەكا كارەب گرتنێ ببو و دڤێ سەرەدانێ دا عبدالخالق بابیری هاریكاری و پشتەڤانیا خو دیاركر بو هەر كارەكێ پێتڤی ژبو باشتركرنا رەوشا تەندروستیا كادرێ ناڤبری و ژلایێ خوڤە(مەحموود محەمەد بەرجەس) خوشحالیا خو دەربری ب ڤێ سەرەدانێ سوپاسیا هەلویستێ جامێرانە یێ بەرپرسێ لقێ ئێك كر.
