لقا ئێك پێشوازیێ ل ماموستا و قوتابێن خولا 18 یا ئەكادمیا پێكەهاندنا كادرێن پارتی كر
دهوك- KDP.info/گەشتا زانستی یا ئەكادمیا پێكەهاندنا كادران ئەڤرو3/7 گەهشتنە باژێری دهوكێ و ژلایێ عبدولخالق بابیری ئەندامێ جڤاتا سەركردایەتیا پارتی دیموكراتی كوردستان و دەستەكا كارگێریا لقا ئێك ڤە هاتن پێشوازی كرن و پاشان ل خوارنگەها سەدیر پەلاس مێهڤان داریەك بو بەرهەڤ كرن و دیڤدا ئاهەنگەك بو هات سازدان.
ل دەستپێكی قادر قەچاغ بەرپرسێ ئەكادمیا پێگەهاندنا كادران رونكرنەك دا لسەر گرنگیا ڤان جورە خولان و گوت: ئەم شیاینە پێزانینا د گشت بواراندا ل جەم بەژداربویا پەیدا بكەین دا ببیتە كەسەكێ خودان هزرێن ئاڤاكەر و پێزانین لسەر هەمو كاران هەبن چونكو كەسەكێ ساخلەم دێ ل ئایندەی مللەتەكێ ساخلەم ژێ پەیدابیت لەورا دخوازم پشتی بدوماهیك ئینا نا ڤێ خولێ ژی بەردەوام بن لسەر خوئاڤاكرنێ و هەمو زانیاریا ل دەف خو كومبكەن دا و دگەل هەر پێشهاتەكێ خو بگونجینن. چونكو نەحەزێن مللەتێ مە دزورن داكو بشێن باوەریێ بو هەر كەسەكی چێكەن ل سەر راستی و دروستیێ و بو هەمویان دیاربكەن بویەرێن راست ول دوماهیێ و هیڤیا سەر كەفتنێ بو خاست.
و د پەیڤا خودا بابیری بخێرهاتنا میهڤانێن ناڤبری كر بو دەڤەرا دهوكێ و خوش حالیا خو دەربری بو ڤێ سەرەدانێ وگوت:دخوازم كو هەوە مفایەكێ باش بخو ژ ڤێ خولێ وەرگربیت و ل جهێ كارێ خو بشێن خزمەتەكا باش پێشكێشی خەلكێ خو بكەن و ببنە كادرێن پێشەنگ و مفای بگەهیننە گشت دەڤەرێ،ل ڤێ قوناغی مللەتێ هەوە پێتڤی ب هەوە هەیە و كەسێن وەك هەوە دشێن كەلتورێ بەرخودان و ئاڤەدانیێ بەرەف پێشتر ببەن چونكو كوردستانێ ئەڤرو زور دوژمن هەنە بەلێ ئەگەر ئەم درژتبین لسەر خەباتا خو، كا چاوا بارزانیێ باب ب رێبازا خو یا پیروز مللەتێ كورد ناساند بو هومو جیهانێ لسەر ڤێ رێبازێ و ب دلسوزی و بەرەڤانی كرن ژ كوردستانێ دێ وەلات بەرەف قوناغێن پێشكەفتی تر بەین و باشەروژەكا نێزیك دەولەتا كوردی دێ ئاڤاكەین.
تێ زانین كو خولا هەژدێ یاپێگەهاندنا كادران ژ 58 قوتابیان پێك دهێت و دبەژداریێن وان ژ مەكتەبا ناوەندی و سەرجەم لقان هاتینە و ئەڤ خولە بو ماوێ هەشت مەهان دێ ڤەكێشیت و مەرەم ژ ڤێ گەشتێ كو پیتر هەڤ نیاسین ل دەف پەیداببیت دناڤ بەرا وان و كادرێن پارتی ل سنوری كوردستانێ و ریستەك دا بو تەمامیا خولێ بهێزتر لێ بهێت و شارەزاییەك ل دەڤەرێن كوردستانێ ل دەڤ پەیدابیت.
