به‌رپرسێ لقێ 18 پێشوازیا شانده‌كێ زانایێن ئایینێ ئیسلامێ دكه‌ت

ئامێدیێ-KDP.info/ ئه‌ڤرو (فه‌ریق فاروق) به‌رپرسێ لقێ18 یێ پارتی دیموكراتی كوردستان ل ئامێدیێ پێشوازیا شانده‌كێ ئێكه‌تیا زانایێن ئاینێ ئیسلامێ لقێ ئامێدیێ كر و دروینشتنه‌كێ ل باره‌گایێ لقێ هه‌ژده‌ به‌حسێ ره‌وشا عیراقێ ب گشتی و هه‌رێما كوردستانێ ب تایبه‌تی و پێكڤه‌ ژیانا ئاشتیانه‌ دناڤبه‌را هه‌می پێكهاتێن ده‌ڤه‌را ئامێدیێ دا ب گشتی هاته‌كرن .

ودته‌وه‌ره‌كێ دی دا به‌رپرسێ لقێ هه‌ژده‌ یێ پارتی دیموكراتی كوردستان ئاماژه‌ ب ره‌وشا مزگه‌فتێن دكه‌ڤنه‌ سنورێ وان وئه‌و خزمه‌تا ژلایێ حكومه‌تا هه‌رێما كوردستانێ ڤه‌ بو سه‌رجه‌م ئاینان بێی جوداهی دهێته‌ پێشكێشكرن كر.

وهه‌روه‌سا به‌حسێ هاتنا هه‌یڤا ره‌مه‌زانا پیروز وئه‌و رێنمایێن دهێنه‌ دان كو پێدڤیه‌ هه‌می لایه‌ك پێگیریێ پێ بكه‌ت كرژبه‌ركو هه‌یڤا ره‌مه‌زانێ پیروزیه‌كا مه‌زن لده‌ف موسلمانان هه‌یه‌ وهیڤی خواست دڤێ هه‌یڤێ دا ب باشترین ره‌نگ خزمه‌تا موسلمانان بكه‌ن وبه‌رهه‌ڤیا لقێ بو هه‌ر هاریكاریه‌كا پێدڤی دیاركر.

ژلایێ خوڤه‌ شاندێ ناڤبری سوپاسیا به‌رپرسێ لقێ هه‌ژده‌ یێ پارتی دیموكراتی كوردستان كروچه‌ندین بیروبوچون لدور نێزیك بونا هه‌یڤا ره‌مه‌زانێ پێك گوهارتن.