دوو سه‌د كور و كچان باوەرنامێن مالا لاوان وەرگرتن

دهوك-KDP.info/ ب مەرەما پتر خزمەتكرن وپێگەهاندن و ئاڤاكرنا وان وتژی كرنا دەمێ‌ ڤالا یێ‌ لاوان و رەوشەنبیركرنا وان ژ هەمی لایەكی ڤە و داكو كەساتیا لاوەكێ‌ بەرهەمدار بهێتە ئاڤاكرن، مالا لاوان یا سەر ب ناڤەندا باڵا دهوك یا ئێكەتیا لاوێن دیموكراتا كوردستانێ‌ رابوو ب سازكرنا ئاهەنگەكا هونەری ب هەلكەفتا دویماهیك ئینانا (7) حەفت خولێن فێركرنێ‌ یێن جورا و جور ئەوژی دبیاڤێ‌ (كومپیوتەر و ئەنترنێتێ‌ و زمانێ‌ ئینگلیزی و باشنڤێسینێ‌ و 2 خولێن هونەرێ‌ موزیكێ‌ و 2 خولێن هونەرێ‌ شێوەكاری) . ئەف خولە ب چاڤدێریا (عبدالخالق بابیری) بەرپرسێ‌ لقی ئێكێ1 یێ‌ (پ . د . ك) و ب ئامادەبونا (بهجت ئاڤدەل) كارگێرێ‌ لقێ‌ و هژمارەكا دی یا بەرپرس و ئەندامێن سنورێ‌ لقی1 . درێ‌ و رەسمێن سازكرنا ئاهەنگەكێ‌ دا هژمارەكا برگێن خوش و قەشەنگ هاتبونە ئامادەكرن ژ لایێ‌ پشكێن مالێ‌ و دیسان پشكا موزیكێ‌ چەند ستران و پارچە موزیكە پێشكێشی ئامادەبویان كرن و هەر وەسا ئەف ئاهەنگە یا بێ‌ بەهر نەبوو ژ خواندنا هوزانا ژلایێ‌ هوزانڤانێن لاو ..كو لدەسپێكێ‌ چاڤدێری دپەیڤەكێ‌ دا دەست خوشی ل مالا لاوان كر ژبو رێكخستنا ڤێ‌ ئاهەنگا ژ هەژی كو ب هەلكەفتا دویماهیك ئینانا ڤان خولێن بێ‌ بەرامبەر بو لاوێن پارێزگەها دهوكێ‌ و هیڤی خواست كو دبەردەوام بن ل سەر ڤان كارێن هەژی داكو لاوێ‌ مە زێدەتر مفای ژ دەمێ‌ خویێ‌ ڤالا ببینیت و ب دروستی كەساتیا لاوەكێ‌ خودان شیان بهێتە ئاڤاكرن هەژی گوتنێ‌ یە كو (200) لاوێن كور وكچ دپشكداربون دڤێ‌ ئاهەنگێ‌ دا كو ئەڤە ئەو لاون یێ‌ كو پشكدار دخولێن مالا لاوان دا و ئەف خولە بو ماوێ‌ هەیڤەكێ‌ د بەردەوام بون و وانێن تیوری و پراكتیكی ژ لایێ‌ ماموستایێن بسپورڤە دێ‌ لسەر بابەتێن خولان ب تێر و تەسەلی دهاتنە گوتن و شروڤەكرن و ل دوماهیێ‌ ژی پشتی ئاهەنگ ب گوڤەند و دیلان ب دویماهیك هاتی هژمارەكا دیاری و خەلاتێن هەژی ل سەر لاوێن بەهرەمەند هاتنە پێشكێشكرن ژلایێ‌ مالا لاوان ڤە . و ئەف ئاهەنگە بو ماوێ‌ (2) دەمژمێرا ڤەكێشا ل هولا مالا لاوان ..