ب گێرانا ئاهه‌نگه‌كێ سه‌نته‌رێ دێره‌لۆك یێ ره‌وشه‌نبیری سالڤه‌گه‌را دامه‌زراندنا خوه ساخكر
دیرەلوك-KDP.info/ لژێر چاڤدێریا( نجات محمد) ئەنداما سکرتاریەتا ئێکەتیا ئافرەتێن کوردستانێ، بئاماده‌بوونا (رمچان هورەیی) به‌رپرسێ لژنا ناوچا دێره‌لۆك یا پارتی دیموکراتی کوردستان و (به‌همه‌ن ئه‌حمه‌د) رێڤه‌به‌رێ ناحیا دێره‌لۆك وهه‌ژماره‌كا زۆرا رێڤه‌به‌ر و به‌رپرسێن فه‌رمانگه‌هێن حزبی و حكومی و ئه‌ندامێن سه‌نته‌ری و ب هه‌لكه‌فتا ده‌رباز بوونا دوو سالان ل سه‌ر دامه‌رزاندنا سه‌نته‌رێ دێره‌لۆك یێ ره‌وشه‌نبیری ل نیڤرۆیا رۆژا ئێك شه‌مبی ل هاڤینگه‌ها بیاوێ ئاهه‌نگ هاته گێران و تێدا چه‌ندین چالاكی هاتن ئه‌نجامدان.
ئه‌میر حه‌سن به‌رپرسێ سه‌نته‌رێ دێره‌لۆك یێ ره‌وشه‌نبیری بۆ kdp.infoخویاكر، كو بهه‌لكه‌فتا ده‌ربازبوونا دوو سالان ب سه‌ر دامه‌زراندنا سه‌نته‌رێ وان ئه‌وان فه‌ردیت ڤێ ئاهه‌نگێ ساز بكه‌ن و گۆت: ( مه د ڤێ ئاهه‌نگێ دا خوارنا نیڤرۆ به‌رهه‌ڤ كر بوو وتێدا هه‌ژماره‌كا زۆرا مێهڤانا ئاماده ببوون و هه‌روه‌سا پشتی خوارنێ به‌ریكانه‌كا زانستی هاته پێشكێش كرن دناڤبه‌را ماموستایان و فه‌رمانبه‌رێن ئه‌ندامێن سه‌نته‌ری دا هاته رێڤه‌به‌رن).
هه‌روه‌سا ئاشكرا كو، د ڤێ ئاهه‌نگێ دا چه‌ندین هوزان هاتن خواندن و ل داویێ ژی چه‌ندین ئه‌ندامێن چالاكێن سه‌نته‌ری و كه‌سانێن هاریكار ل گه‌ل سه‌نته‌ری هاتن خه‌لاتكرن.
