لقا ئێك وەرزشڤان نزار غەزالی خەلات كر

دهوك-KDP.info/ ب مەرەما خەلاتكرنا وەرزشڤان نزار غەزالی ئەڤرو سپێدێ‌ ل روژا چارشەمبی رێكەفتی 26/6/2013  ل بارەگایێ‌ لقێ‌ ئێكێ‌ پارتی دیموكراتی كوردستان عبدالخالق بابیری بەرپرسێ‌ لقێ‌ ئێك ب ئامادەبونا ژمارەكا كارگێرێن لقێ‌ و نوێنەرێن ئێكەتیا لاوێن دیموكراتا كوردستانێ‌ و ئێكەتیا ئافرەتێن كوردستانێ‌ پێشوازی ل وەرزشڤان  نزار غەزالی كر پشتی بەشداری دقارەمانیەكا لەش جوانی یێ‌ دا كری ل وەلاتێ‌ بلغاریا  و شیای مەدالیا زێری بدەست خوڤە بینیت ل سەر ئاستێ‌ 50 وەلاتا.
عبدالخالق بابیری پشتی بخێرهاتنێ‌ رابوو ب خەلاتكرنا وەرزشڤانێ‌ ناڤبری و دەست خوشی و پیروزباهێن خو و لقێ‌ ئێكێ‌ پارتی ئارەستەكرن و شیان و ماندییبونا نزاری ب بلندی ل قەلەم دان و دیاركر ئەڤ مەدالیا نزاری بدەست ڤە ئینای دەستكەفتەكە بو مللەتێ‌ كورد و نافێ‌ هەرێما كوردستانێ‌ هەروەسان ژ لایێ‌ خوڤە نزاری سوپاسیا بەرپرسێ‌ لقێ‌ ئێك كر و دیاركر كو ئەڤ پێشوازی وخەلاتكرنە هاندەرن بو بلندكرنا ئاستێ‌ من یێ‌ وەرزشی و ب شتەڤانیا خەلكێ‌ كوردستانێ‌ دێ‌ هەولا ئاستێن بلندتر كەم تاكو بشێم ب ناڤێ‌ كوردستانێ‌ قارەمانیێن مەزنتر بدەست خوڤە بینم.
وبەرپرسێ‌ لقێ‌ ئێك ل دوماهیێ‌ ئامادەی و پشتەڤانیا خو دەربری بو بزاڤا وەرزشی ل سەرانسەری هەرێمێ‌ و تاییبەتی بو نزار غەزالی.