مەکتەبی سیاسیی پارتی پەیامێکی سەرەخۆشی ئاراستەی د. هێمن هەورامی دەکات

هەولێر-KDP.info- مەکتەبی سیاسیی پارتی دیموکراتی کوردستان پەیامێکی سەرەخۆشی ئاراستەی د. هێمن هەورامی کرد بۆ کۆچی دوایی دایکی بەڕێزیان (شەوبۆ عەبدوڵڵا حەمەئەمن هەورامی).

​دەقی پرسەنامەی مەکتەبی سیاسیی پارتی دیموکراتی کوردستان:

​بۆ هەڤاڵی بەڕێز ( د. هێمن هەورامی)

بە داخ و پەژارەیەکی زۆرەوە هەواڵی کۆچی دوای دایکی بەڕێزتان خاتوو (شەوبۆ عەبدوڵڵا حەمەئەمن هەورامی)مان پێگەیشت، بە خەمناکییەوە پرسە و سەرەخۆشیی خۆمان و هەڤاڵانی کۆمیتەی ناوەندیی پارتیمان ئاراستەی ئێوەی هێژا و کەسوکار و بنەماڵە بەڕێزەکەتان دەکەین و، خۆمان بە هاوبەشی خەمتان دەزانین.

ئومێدەوارین دڵنەوایی و هاوخەمی هەڤاڵ و دۆست و ئازیزانتان ببێتە مایەی سەبووری و ئارامگرتنتان و لە خەم و خەفەتتان کەم بکاتەوە.

لە خوای گەورە داواکارین گیانی دایکی کۆچکردوتان بخاتە بەر رەحمەت و دلۆڤانی خۆی و بە بەهەشتی بەرینی شاد بکات.

إنا لله وإنا إلیه راجعون

مەکتەبی سیاسیی پارتی دیموکراتی کوردستان
١٥ـی ئەیلوولی ۲۰۲٦