بافڵ جەلال تاڵەبانی پەیامێکی سەرەخۆشی و ھاوخەمی ئاراستەی سەرۆک بارزانی دەکات
ھەولێر-KDP.info- بافڵ جەلال تاڵەبانی، سەرۆکی یەکێتیی نیشتمانیی کوردستان، پەیامێکی سەرەخۆشی و ھاوخەمی ئاراستەی سەرۆک بارزانی کرد، بەھۆی کۆچی دوایی عەبدولواحید ئیبراھیم شێخ عەبدولسەلام بارزانی.
دەقی پەیامەکەی بافڵ جەلال تاڵەبانی.
ڕێزدار جەنابی کاک مەسعود بارزانی، سەرۆکی پارتی دیموکراتی کوردستان
بە داخ و پەژارەیەکی زۆرەوە ھەواڵی کۆچی دوایی کەسایەتیی دیاری بنەماڵەکەتان، کاک عەبدولواحید ئیبراھیم شێخ عەبدولسەلام بارزانیمان پێگەیشت.
بۆ ئەم خەمە، پرسە و سەرەخۆشیی ئاراستەی بەڕێزتان و بنەماڵەکەتان دەکەین و خۆمان بە ھاوبەشی خەمتان دەزانین.
لە خوای گەورە داواکارین کۆچکردوو بە بەھەشتی بەرین شاد بکات، سەبووری و ئارامیش بە ھەموولایەک ببەخشێت.
بافڵ جەلال تاڵەبانی
سەرۆکی یەکێتی نیشتیمانی کوردستان
