سەرۆکی هەرێم لە ساڵیادی دەزگای خێرخوازیی بارزانی: هیوای سەرکەوتن و بەردەوامیتان بۆ دەخوازم
هەولێر-KDP.info- سەرۆکی هەرێمی کوردستان، نێچیرڤان بارزانی، بەبۆنەی ۲۱ـەمین ساڵیادی دامەزراندنی دەزگای خێرخوازیی بارزانی پەیامێکی پیرۆزبایی ئاراستەی سەرۆک و کارمەندانی دەزگاکە کرد. لە پەیامەکەیدا دەستخۆشی لە هەوڵ و خزمەتەکانیان کرد لە هاوکاریکردنی لێقەوماوان لە ناوخۆ و دەرەوەی هەرێمی کوردستان.
نێچیرڤان بارزانی، سەرۆکی هەرێمی کوردستان لە پەیامەکەیدا ڕایگەیاند:
بیست و یەکەمین ساڵوەگەڕی دامەزراندنی دەزگای خێرخوازیی بارزانی، لە سەرۆک و کارمەندانی ئەم دەزگایە پیرۆز دەکەم و دەستخۆشییان لێ دەکەم بۆ ئەو کار و خزمەتانەی لە ناوخۆ و دەرەوەی هەرێمی کوردستان پێشکەش بە لێقەوماوانیان کردووە. هیوای بەردەوامی و سەرکەوتنیان بۆ دەخوازم.
نێچیرڤان بارزانی
سەرۆکی هەرێمی کوردستان
2026/8/4
