سەرۆکی هەرێمی کوردستان به‌خێرهاتنى کونسوڵی گشتیی نوێی کۆریای باشوور دەکات
هەولێر-KDP.info- به‌یانیى ئەمڕۆ یەکشەممە 2026/7/26، بەڕێز نێچیرڤان بارزانی، سەرۆکی هەرێمی کوردستان، بە بۆنەی دەستبەکاربوونی و بۆ خۆناساندن، پێشوازیی لە بەڕێز ئیون گیوو شیم، کونسوڵی گشتیی نوێی کۆماری کۆریای باشوور لە هەرێمی کوردستان کرد.
لە دیدارێکدا، بەڕێز سەرۆکی هەرێمی کوردستان پیرۆزباییی دەستبەکاربوونی لە بەڕێز کونسوڵی گشتیی نوێی کۆریا کرد و هیوای سەرکەوتنی لە ئەرکەکەیدا بۆ خواست، هەروەها ئامادەییی تەواوی لایەنە پەیوەندیدارەکانی هەرێمی کوردستانی بۆ هاوکاری و ئاسانکاری لەپێناو سەرخستنی ئەرکەکەی دەربڕی.
بەڕێز سەرۆکی هەرێمی کوردستان وێڕاى دووپاتكردنه‌وه‌ى سوپاس و پێزانین بۆ هاوكارییه‌كانى كۆریاى باشوور، جەختی لەسەر خواستی هەرێمی کوردستان بۆ بەهێزکردنی پەیوەندییەکان لەگەڵ کۆریا و فراوانکردنی ئاسۆکانی هاوکاریی هاوبەش لە سەرجەم کایەکاندا کردەوە.
لای خۆیەوە، بەڕێز ئیون گیوو شیم وێڕاى ستایشكردنى ڕۆڵى سه‌رۆك نێچیرڤان بارزانى له به‌ره‌وپێشبردنى په‌یوه‌ندییه‌كانى هه‌ردوولا، خۆشحاڵیی خۆى بۆ دەستپێکردنی ئەرکەکەی لە هەرێمی کوردستان دەربڕی و جەختی لەسەر بەردەوامیی هەوڵەکانی بۆ برەودانی زیاتر بە پەیوەندییەکان کردەوە.
