نەوزاد هادی پێشوازی لە شاندێکی هاوپەیمانیی نەینەوای یەکگرتوو دەکات
نەینەوا-KDP. info- ئەمڕۆ، نەوزاد هادی ئەندامی مەکتەبی سیاسی و بەرپرسی مەکتەبی رێکخستنی پارێزگای نەینەوای پارتی دیموکراتی کوردستان، پێشوازی لە شاندێکی باڵای هاوپەیمانیی نەینەوای یەکگرتوو لە ئەنجومەنی پارێزگای نەینەوا کرد.
شاندەکە پێکهاتبوو لە هەریەک لە:
شێخ محەمەد نوری ئەلعەبد رەببە، سەرکردە لە هاوپەیمانیی نەینەوای یەکگرتوو و ئەندامی پێشووی ئەنجومەنی نوێنەرانی عێراق.
شێخ ئەحمەد ئەلعەبد رەببە، ئەندامی ئەنجومەنی پارێزگای نەینەوا.
خەلەف لەحزات حەدیدی، ئەندامی ئەنجومەنی پارێزگای نەینەوا.
لە دیدارەکەدا، بارودۆخی گشتیی پارێزگای نەینەوا و دوایین پێشهاتە سیاسی و خزمەتگوزارییەکان تاوتوێ کران. هەروەها جەخت لەسەر گرنگیی بەهێزکردنی هاوکاری و هەماهەنگیی نێوان هێزە سیاسییەکان کرایەوە، بە شێوازێک کە خزمەت بە بەرژەوەندییەکانی دانیشتووانی پارێزگاکە بکات بۆ چەسپاندنی سەقامگیری و سەروەریی یاسا و خێراکردنی جێبەجێکردنی پلانی ئاوەدانکردنەوە و بونیاتنان لە تەواوی سنووری پارێزگای نەینەوا دا.
