سەرۆک بارزانی بەشداری لە پرسەی خوالێخۆشبوو مام (عەبدوڵڵا عەزیز مەلا خاڵ هەمزە) مێرگەسۆری کرد
مێرگەسۆر-KDP.info- ئێوارەی ئەمڕۆ دووشەممە ٣٠ـی حوزەیرانی ٢٠٢٥ لە قەزای مێرگەسۆر، بەڕێز جەنابی سەرۆک بارزانی بەشداری لە پرسەی خوالێخۆشبوو مام (عەبدوڵڵا عەزیز مەلا خاڵ هەمزە) مێرگەسۆری، هەڵگری مەدالیای بارزانی نەمر و پێشمەرگەی هەردوو شۆڕشی ئەیلوول و گوڵان کرد.
سەرۆک بارزانی لە نزیکەوە هاوخەمی و سەرەخۆشی خۆی گەیاندە بنەماڵە و کەسوکاری کۆچکردوو هیوای خواست خودای گەورە گیانی خوالێخۆشبوو بە بەهەشت شاد بکات و سەبر و ئارامی بە خانەوادەکەی ببەخشێت.
