سەرۆک بارزانی پێشوازی لە شاندێکی هوداپار دەکات
ھەولێر-KDP.info- ئەمڕۆ چوارشەممە ٢٦ی شوباتی ٢٠٢٥ لە سەلاحەددین سەرۆک مەسعود بارزانی پێشوازی لە شاندێکی باڵای ھوداپار بە سەرۆکایەتیی زەکەریا یاپیچیئۆغلو، سەرۆکی گشتیی ھوداپار کرد.
لە دیدارەکەدا بیروڕا لەبارەی پڕۆسەی ئاشتی لە تورکیا و ھەنگاوەکانی گەیشتن بە چارەسەری ئاڵوگۆڕ کرا.
ھەروەھا جەختیش لە بایەخی پاڵپشتی و ھەماھەنگیی لایەنەکان کرایەوە ئەویش لەپێناو سەرخستنی پڕۆسەی ئاشتی و گەیشتن بە چارەسەری لە تورکیا.
