مالپەڕێ پارتى د چاخ و دەمێ تەکنەلۆژیایێ دا پەیامێن جودا د گەهینیت
حسێن قایٔیدى
د چارچۆڤێ پێشکەفتنێن تەکنەلۆژیایا سەردەمدا و چاخ و دەمێ ژماران کو نوکە ژیان تێدا دبۆرت، مالپەڕێن یٔەلکترۆنى ژى مل ب ملێ وان د ناڤا ژیانێ دا دۆمێ دکەن، هەر دڤێ سەمت و یٔاراسەیێ دا پەیاما خۆ یا راستەڕێ دگەهیننە جەماوەرى و وەلاتییان، ل دەمەکى ل سەر یٔاستێن ناڤخۆ و نیڤدەولەتى ژى بنگەهینن.
هەبوونا مالپەڕەکێ وەک یێ پارتى دیمۆکراتى کوردستان دیتنا مەودایەکێ کویرتر یێ بەرجەستەکرنا سنۆرێن کاراکرنا رۆل و پێگەهێ سیاسى و رەوشەنبیرى یێ پارتى دیار دکەت کو هەر ژ دامەزراندنا خۆ و تا نوکە ژى یٔەو ب بنەمایێ بەرفرەهکرنا هزرا خۆ یا دوور دیتن دیارکریە.
هەر ژ دامەزراندنا پارتى دیمۆکراتى کوردستان ل سالا 1946ێ ل سەر دەستێ هزرمەندێ مەزنێ کورد بارزانیێ نەمر و تا نوکە رۆلێ هەرە بەرچاڤ یێ رۆژنامەڤانى و بزاڤا رەوشەنبیرى ل گەل شۆڕش و بزاڤا رزگاریخوازییا کوردى هاتییە پێش و د چارچۆڤێ ناڤخۆ و دەرڤە دا و گەلەک جاران ژى بوویە زمان بۆ بنەمایێن یٔازادى و دادپەروەرییا کۆمەلایەتى و پترییا جاران ژى ل دەمێ شۆڕشێ ل گەل بایێ هێرشان ل دژى دکتاتۆرییەتێ لڤیە و هەر قەلەمەکێ ل پەڕەک یان رۆژنامەیەکێ دنڤیسى داخوازا یٔازادییا کوردان و کوردستانا سەربەخۆ کریە.
هەبوونا مالپەڕێ پارتى دیموکراتى کوردستان پێنگاڤەکا ستراتیژى و یٔارمانجگرە بۆ یٔاسانکرنا گەهاندنا زانیاریێن هزرى و یٔەجێندایێن گرێدایى پارتى ب خۆ و هەڤدەم باشترکرنا بەربەلاڤکرنا نویاتیێ د ناڤا وێ پارتێ ب خۆ دا و دیسا ژى ڤەدیتن و رەنگڤەدانێن جاددەیا سیاسى و هزرى یا پارتى ژى یٔێک ژ خالێن هەرە سەرەکى یێن ڤى مالپەڕى بوویە هەر ژ دامەزراندنێ و تا نوکە.
ژ گەهاندنا پەیامێن لاسلکییان و تا نوکە بوویە ژمارێن یٔەلکترۆنى و تەکنەلۆژیایا سەردەم و مۆدێرنیەتێ، پارتى هەردەم خودان دیتنەکا جودا بوویە و یٔەڤ مالپەڕە ژى هەر یٔێک ژ وان دیتنان بوویە کو شیایە کار و بزاڤ و کەد و خەباتا خۆ پێ دیار بکەت.
زێدەبارى دیارکرنا کاودانێن ناڤخۆ و دەرڤە دەرگەهەکێ مەزن ژى ل هەمبەرى چاڤدێر و نڤیسەر و هزرمەندان ڤەکریە دیتنێن جودا ب شێوەیەکێ یٔێکسەر پارڤە بکەن و هەر یٔەڤ یەکە بوویە بنەمایێ سەرەکى کو جەماوەر و هەم ژى راگەهاندنا دى ب زمانحال بۆ پارتى ل هندەک دەمان بزانیت.
هەبوونا مالپەڕەکێ ب ڤى یٔاوایى نە بتنێ ژ روویێ تەکنیکى ڤە بەلکو بۆ دیتنا پاشەڕۆژێ و باشترکرنا پێنگاڤێن یٔازادیێ رۆلەکێ سەرەکى د گێریت و پیرۆزباهیێ ل هەڤال و هەڤکارێن خۆ یێن ناڤا ڤى مالپەڕى دکەم کو خۆ بخێزانەکا دەولەمەند و مەزن دیارکریە و دێ هەر یٔەو خێزان ژى مینیت کو یٔەم ژى پشکەکین ژ وێ.
شیرەتکار ل سەرۆکایەتییا هەرێما کوردستانێ
